海天花園酒家

营业中

休息中

一共叫咗六个菜，其中一个系客家酿豆腐，入面有六旧，全部嘅猪肉都系未熟透。猪肉可以生食㗎咩？之后叫侍应过嚟，同佢讲啲猪肉全部未熟。佢嗱嗱临叫我哋倒返落个煲度，想瞒天过海当冇咗件事。道歉都冇一句。之后同佢讲话会去报食环署，叫佢通知部长有猪肉未熟就比客人，竟然当冇咗件事走咗去。本身谂住大事化小，换过一煲熟嘅嚟就算啦。点知根本冇跟进到冇人落过单。成餐饭食完喇个酿豆腐都仲未度。再叫个侍应过嚟问系唔系漏咗单，仲要唔肯承认。话一系取消，一系即刻整过俾你。从头到尾一句道歉都冇。最后埋单仲要叫极都无人理，竟然仲好意思收我+1服务费？？？原来依家做饮食生意系咁做。依间嘢真系冇下次。