影片
更多
2024-09-05
213 浏览
先讲野食：下午茶35蚊一碗牛筋河，加6蚊多一杯野饮，牛筋够冧系正嘅，个汤偏淡但都好味嘅。环境同服务：好嘈好嘈，食客讲乡下话，可能因为一边食一边饮啤酒，所以讲野好大声呱又系咁咳... 见其他入嚟食野嘅都系似内地人，因为同啲阿姐侍应讲普通话，你一句我一句都好大声，我系全程带住耳塞睇住 youtube 但都敌不过佢地啲对话，全部都入晒耳。面食完，饮紧最后一啖柠檬茶，阿姐就飞咗块布落嚟张枱到执野，佢预啲时间好准无得顶，因为块布都向我面前，我咪起身走人。搅笑画面：1）我问阿姐：有冇醋阿姐：有我醋你我自言自语：下！醋我?阿姐：咩呀… 我听错咩… 你唔系要醋咩？2）埋单𠮶时我问: 可以用支付宝？收银阿姐：冇呀… 八达通都冇我：咁我比现金啦阿姐：41蚊有冇1蚊我：冇呀阿姐：好... 我找你（令我谂起啱啱先比另一个阿姐醋我，依家又找我，哩间店舖职员讲野好有特色）总结：有内地嘅食市气氛，同时又有港式食市服务态度，41蚊就可以享受到国际都会嘅魅力真系无得顶。
下午茶35蚊一碗牛筋河，加6蚊多一杯野饮，牛筋够冧系正嘅，个汤偏淡但都好味嘅。
环境同服务：
好嘈好嘈，食客讲乡下话，可能因为一边食一边饮啤酒，所以讲野好大声呱又系咁咳... 见其他入嚟食野嘅都系似内地人，因为同啲阿姐侍应讲普通话，你一句我一句都好大声，我系全程带住耳塞睇住 youtube 但都敌不过佢地啲对话，全部都入晒耳。面食完，饮紧最后一啖柠檬茶，阿姐就飞咗块布落嚟张枱到执野，佢预啲时间好准无得顶，因为块布都向我面前，我咪起身走人。
搅笑画面：
1）
我问阿姐：有冇醋
阿姐：有我醋你
我自言自语：下！醋我?
阿姐：咩呀… 我听错咩… 你唔系要醋咩？
2）
埋单𠮶时我问: 可以用支付宝？
收银阿姐：冇呀… 八达通都冇
我：咁我比现金啦
阿姐：41蚊有冇1蚊
我：冇呀
阿姐：好... 我找你（令我谂起啱啱先比另一个阿姐醋我，依家又找我，哩间店舖职员讲野好有特色）
总结：
有内地嘅食市气氛，同时又有港式食市服务态度，41蚊就可以享受到国际都会嘅魅力真系无得顶。
牛筋河
$41
92 浏览
0 赞好
0 留言
张贴
