青藏牛肉麵 (已結業)

青藏牛肉面系一间喺北角区内最出名嘅舖头，佢位置喺书局加入面𠮶条巷仔，呢条行出名多嘢食！青藏牛肉顾名思义就系卖牛肉面，咁当然都有其他面同小食。今次我就午餐时段食，试咗佢嘅羊肉面。羊肉片畀打边炉买到𠮶啲羊肉片厚身，口感会好啲，味道都ok。羊肉份量都唔算少。拉面方便呢就畀一般中式拉面粗身少少，类似日式中太面。汤底就真系偏咸，芫茜同埋葱花已经帮咗唔少手，但系都系偏咸。汤底里面仲有两嚿大萝卜，都可以喺咁咸嘅汤之中帮下手。如果大家系期待先甜嘅骨汤，咁呢度就冇喇。每张枱都提供嘅蒜蓉，既然重口味，一于去尽佢。我每次食都会夹好多蒜蓉！唔系算好好食，但同类食物唔多，间唔中一次啦！