包包傾老趙越南餐廳 (已結業)

平日行去佐敦食Lunch，好多餐厅都会比上班族占满左，晏少少到都唔太揾到位。赶时间返去学校上堂嘅我唯有揾间冇咁间咁多人嘅餐厅求其食下。最近天气真系好冻，虽然捞檬真系好吸引，但食捞檬真系好似雪上加霜咁，所以都系要食D热热地辣辣地嘅野暖下肚先得！于是我就叫左呢个咖喱鸡檬粉。呢个完全系一个邪恶嘅食物 ，都几重口味但味道都OK。佢呢个"汤"系介乎系真嘅汤同酱之间，唔算好流质又唔算太稠，比起沙嗲王嘅沙嗲肥牛粉丝流质一D，但都系比较重口味之选。个人唔系好食得辣，一开始食得几爽，但后来就会开始感受到辣，不过慢慢食都ok。鸡肉就正常啦，唔会特别鞋，不过都几多骨下。野饮叫左热蜂蜜金桔，但其实佢上面个块系青柠？佢味道同我expect嘅完全唔同，佢似咸柑桔嘅味道，朋友饮左一啖就冇再饮落去，但我都ok嘅，因为屋企有冲开咸柑桔。但系如果唔系特别钟意呢阵味就唔好乱叫。