影片
更多
2023-04-13
30 浏览
去得台湾旅行，一定要食当地嘅台湾卤味👉自从几年前去食过当地卤味就打开咗个新世界嘅大门，从此对卤水嘅喜爱一发不可收拾，可能上天听到我嘅心声，喺将军澳开咗间「而打渌卤汁伴粉」😲「而打渌」主打外卖台式卤味，仲有拌面、台式麻辣烫或麻辣凉拌选择，将台式卤味味道分享比更多人品尝，原来想食卤味唔一定飞去台湾嘅👀去「而打渌」就得喇，小小店面非常整洁，装修十分干净利落，佢哋嘅MENU风格以萤光黄色作为主调，好有台湾夜市招牌嘅感觉😚店铺透过收银处旁嘅透明柜，会见到有各式各样嘅卤水食材，食材好齐全 (基本上大家钟意食嘅种类都有) 分类亦好整齐同干净👍店旁亦有内用专用座位以及自助调味料区。麻辣独享(酱香鸡中翅、花椰菜、台湾花枝丸配麻辣冷面)冷面嘅灵魂系佢个酱，个酱系浓甜辣融合埋一齐，质地看似浓稠，但绝不会搞到啲冷面痴埋一饼咁，每条冷面被辣酱包住，无论天气几热都能令你食欲大开😝而且酱汁咸香得嚟唔会盖过食材原味！鸡中翅酱香浓郁，连啲鸡肉都入晒味，仲一啲都唔鞋；经过秘制酱料嘅浸染，台湾花枝丸释放咗花枝嘅鲜甜；椰菜花经过酱香加持，配埋爽弹面条一齐食，好味程度拍得上食肉🤩葱油卤汁拌台南粿条口感爽滑嘅台南粿条偏向粗身，每
去得台湾旅行，一定要食当地嘅台湾卤味👉自从几年前去食过当地卤味就打开咗个新世界嘅大门，从此对卤水嘅喜爱一发不可收拾，可能上天听到我嘅心声，喺将军澳开咗间「而打渌卤汁伴粉」😲
「而打渌」主打外卖台式卤味，仲有拌面、台式麻辣烫或麻辣凉拌选择，将台式卤味味道分享比更多人品尝，原来想食卤味唔一定飞去台湾嘅👀去「而打渌」就得喇，小小店面非常整洁，装修十分干净利落，佢哋嘅MENU风格以萤光黄色作为主调，好有台湾夜市招牌嘅感觉😚店铺透过收银处旁嘅透明柜，会见到有各式各样嘅卤水食材，食材好齐全 (基本上大家钟意食嘅种类都有) 分类亦好整齐同干净👍店旁亦有内用专用座位以及自助调味料区。
麻辣独享(酱香鸡中翅、花椰菜、台湾花枝丸配麻辣冷面)
冷面嘅灵魂系佢个酱，个酱系浓甜辣融合埋一齐，质地看似浓稠，但绝不会搞到啲冷面痴埋一饼咁，每条冷面被辣酱包住，无论天气几热都能令你食欲大开😝而且酱汁咸香得嚟唔会盖过食材原味！鸡中翅酱香浓郁，连啲鸡肉都入晒味，仲一啲都唔鞋；经过秘制酱料嘅浸染，台湾花枝丸释放咗花枝嘅鲜甜；椰菜花经过酱香加持，配埋爽弹面条一齐食，好味程度拍得上食肉🤩
葱油卤汁拌台南粿条口感爽滑嘅台南粿条偏向粗身，每条都被染上卤汁嘅颜色，变得油光发亮🌟食落好浓郁入味，卤汁咸鲜中带少少甜，加入脆卜卜嘅花生及葱花点缀其中，超还原台湾嘅味道，恨不得一下子就疯狂吸入成碗～另外我好钟意店员会预先会落多啲分量嘅卤水汁，就算外卖拎番屋企，啲粿条都唔会吸晒啲酱汁而干晒🙆♀️加上酱汁预先已经同面捞匀咗，唔使自己捞到四围都系✔
脆香盐酥鸡个人觉得食冷面一定要搭配灵魂伴侣盐酥鸡，薄薄嘅外衣包裹著厚实嘅鸡肉，爽脆又过瘾📣系以往台湾旅行记忆中食到嘅味道 (果然味道系有记忆嘅😉)
张贴
