帝樂 - 德國餐廳 (已結業)

选择呢间德国餐厅帮朋友庆生，之前因为餐厅有活动，我好好彩咁有免费猪手送，所以就试试佢。去到门口已经见到有live band唱紧歌，我地预早订左位，所以就安排左坐特大卡位。其实餐厅入面好大，有好多位亦都坐得舒服既。讲返食物，我地叫左一个大德国肠拼盘，焗面筋，芝士拼盘同猪手。因为身边朋友都唔钟意饮啤酒，所以无点。不过坦白讲，德国野食一般都比较重口味，特别系芝士同猪手，唔配野饮会顶唔顺，愈食愈咸，所以我地几个女仔都食唔晒。价钱算中等，虽然猪手免费，但埋单都每人接近200。不过庆祝生日而且钟意高调既朋友都可以去呢间，因为live band会行埋你个位同你唱生日歌，好好气氛。