甜記餃子

营业中

休息中

今晚收工要去荔枝角上workshop，心血来潮就谂起附近的甜记饺子，一于来帮衬！搬咗新店的甜记，地方大咗好多，坐得都几舒适。一到餐厅，门口已见好多等紧外卖的客人，果然系区内人气小店！一！定！要！试！ >>> 香芹芫荽猪肉饺。西芹、芫荽，两款同样重口味的配料撞埋一齐，味道各不相让，不会互抢风头。一放入口，西芹的味道首先爆出，口感爽脆。吞完粒饺子之后，阵阵芫荽味就喺喉咙萦绕不散。另外，西芹、芫荽同样身为蔬菜类配料，夹埋猪肉做饺子，食落零油腻感，完全唔觉好heavy。洋葱薯仔牛肉饺有别于一般饺子的组合，忍不住叫咗嚟试。如果你钟意食洋葱的话，肯定好钟意呢款饺子，事关入面洋葱嘅比例好多，而且煮熟的洋葱唔会好辣，反而整体味道偏甜。另外亦食到有少许薯仔软糯的口感，但不算好突出。小分享一则：舖头有汤饺、煎饺选择，如果选择汤饺的话，可选鸡汤、番茄汤的。之前试过番茄汤都相当出色，但就系因为太出色，我觉得番茄汤适合就咁单饮，多过做饺子的配角，所以我就拣咗普通鸡汤，感觉今次个汤就同饺子夹啲。醉鸡酒味偏甜，不算好特别。而且鸡肉好多都唔系我喜爱的肉肉部分，所以整体一般。