大門食堂 (德福廣場) (已結業)

好耐冇黎食啦😝大门系我暂时心目中全香港第三好食既拉面。当然只限于佢哋招牌大门油面，够哂重口味，仲可以自己调较口味。今日狮子山八号风球，预先打左电话来，大门竟然有开门!!所以就满心欢喜咁过左黎九龙湾分店叹返碗拉面😆大门油面: 一如以往既重口味，有温泉蛋，一片紫菜，荀，一片厚切叉烧同葱花。而系底就有佢地既袐制酱油。食既时间一定要全部野捞均，其实官方食法仲会教埋你捞蒜蓉同辣油~而我自己就最中意落佢地既拉面胡椒！加完之后香得黎又唔辣😝油面既质感非常弹牙，用捞既食法真系特别Q弹😆😆叉烧都系绝对有诚意，厚厚一片开两边。虽然肉质有少少硬，但中间有脂肪层中和返，伴埋捞面嘅酱汁食真系啱啱好😛不过如果食嘢唔习惯重口味或者太咸既人士，都系食返普通拉面可能会好啲。因为真系比较重口味。除咗拉面之外，仲要多咗一份叉烧。总共有三片，一样系厚切，抵食！叉烧: 另加有三片，够哂厚。不过斋食就好干，一定要同汤/油面汁一齐食先食到。炸鸡: 炸鸡大大件够哂热同厚肉，加埋沙津酱真系好邪悪🤣味道唔会太咸，都抵食既。大门虽然唔系咩特别高级既拉面店，不过算系有特色同有自己风味既拉面店。份量同价钱都成正比👍🏻油面真系值得食！