雙喜樓 (已結業)

一间极重口味嘅茶楼，午餐最好预早顶位，否则就要一点半后先有位！酒楼要上一层楼梯先有坐位，坐位不算太多，楼下系接待处，知客好友善！呢间酒楼啲装修唔错几特别，茶壶，茶杯，碗同碟都写著个囍字好有喜庆感觉，茶壸里面有一大个茶包冲你㨂选嘅茶叶，所以啲茶叶唔会冲出嚟，好周到！食物方面就麻麻啦，义烧包都Ok! 虾肠啲虾唔新鲜，味道仲好咸，基本上唔要豉油都咸，肠粉啲粉皮好厚，感觉一大旧粉，如果大家想食肠粉，我提议叫XO酱肠粉系比较好味啲，因为我上次食过OK 㗎！山竹牛肉又系咸到痴线，啲味道仲好怪，唔知落咗乜嘢好似浆著个口，好难食！稍为好食啲就系珍珠鸡，味道唔错！叫咗碟灼菜，啲油多到好犀利，啲菜应该用咗好多盐去灼，所以好咸😖！呢度午市同晚市都有甜品送，但系要提佢先比甜品，今日系绿豆爽，味道清淡，不错，但可能因为送，所以份量好少！如果有血压高真系唔适合呢间酒楼饮食，除非晚市唔系太多人叫去少盐少油！