麵屋一京 (已結業)

众所周知木嘴都系一个拉面控，虽然成日周围揾拉面食，但已经满足唔到木嘴呢个血盆大口，要努力揾新舖试食。今日就出动黎到深水埗啦。深水埗好鬼多食店，车仔面呀米线呀又平又好食。呢间拉面系深水埗黎讲都几高消费，木嘴我本身都有d质疑呢间舖会唔会做唔住，咁就紧系要趁佢执粒前快d黎食啦。佢系公和堂隔黎，一出地铁行几分钟就到，间铺又几大，唔会好似某d拉面舖咁细到㓥房咁。咁就当然要叫下佢个最基本既豚骨浓汤试下，汤底拣左背脂，盛惠$78。由于木嘴真的很重口味，呢个面真系岩晒我，好浓味。而且大家睇图都见到，一定好肥。美中不足既系个汤太杰，杰到有d似沾面咁，令到d面好似浆住浆住，唔可以大啖大啖咁饮晒d汤。另外可以自己加普通蒜或辣蒜，要有几重口味就有几重口味，想个口有几臭都得。叉烧好淋唔会好鞋，另外仲有一粒蛋！几流心下！如果唔要蛋仲可以减番十蚊。食完之后，木嘴我觉得呢间舖暂时都应该唔洗执住，因为真系几好食。希望深水埗既居民可以多d帮衬佢，等我下次黎都有得食。