影片
更多
2019-02-01
839 浏览
话说今日要去上堂自己一个去揾嘢食，原本见到大坑有间30蚊嘅煎肉饼蛋饭好想试，点知闩咗门。好啦咁行去第二档嘢试吓牛腩面，点知又闩咗门。再行去耐住食茶记，点知又系逢星期一休息！经过呢间餐厅，喺外面闻到几香咁，谂住入去试吓，点知中伏！一坐低女店员俾咗杯水嚟，疑似几好服务咁。叫咗个猪至尊汤檬$75，有猪手、猪腩、贡丸、扎肉、白萝卜、芽菜等配料。话说本人原本叫只系个汤檬，店员问我饮乜，我原本想话唔使要，仲问：「乜有嘢饮架咩？」佢马上话：「系呀！跟餐有嘢饮。」仲指一指套餐餐牌。我以为系送，听到佢一轮嘴话有「绿茶、奶茶、咖啡」，我自己又衰，无睇清楚餐牌就话绿茶。佢又问冻定热，咁我又话要冻。食到一半我先发现，佢所谓嘅「套餐」系同单点唔同价，贵3蚊，而所谓嘅「套餐」就系多杯嘢饮。而且仲要冻饮加3蚊，然后我仲见到要加一服务费。老实讲，咁嘅货色咁嘅装修格局，我一心以为自己去咗间鱼蛋粉档/茶记，无谂过要加一。都算，但系杯绿茶，根本就系超市买𠮶啲好甜嘅樽装绿茶加冰。$6.6唔系贵，超市买都要，但唔钟意嘅系佢点解讲到好似杯嘢系跟餐送咁。好，讲返个汤檬，料系足嘅，材料本身个味道都唔错，青柠俾两瓣，比起其他舖系多嘅。
经过呢间餐厅，喺外面闻到几香咁，谂住入去试吓，点知中伏！
一坐低女店员俾咗杯水嚟，疑似几好服务咁。
叫咗个猪至尊汤檬$75，有猪手、猪腩、贡丸、扎肉、白萝卜、芽菜等配料。话说本人原本叫只系个汤檬，店员问我饮乜，我原本想话唔使要，仲问：「乜有嘢饮架咩？」佢马上话：「系呀！跟餐有嘢饮。」仲指一指套餐餐牌。
我以为系送，听到佢一轮嘴话有「绿茶、奶茶、咖啡」，我自己又衰，无睇清楚餐牌就话绿茶。佢又问冻定热，咁我又话要冻。食到一半我先发现，佢所谓嘅「套餐」系同单点唔同价，贵3蚊，而所谓嘅「套餐」就系多杯嘢饮。而且仲要冻饮加3蚊，然后我仲见到要加一服务费。老实讲，咁嘅货色咁嘅装修格局，我一心以为自己去咗间鱼蛋粉档/茶记，无谂过要加一。都算，但系杯绿茶，根本就系超市买𠮶啲好甜嘅樽装绿茶加冰。$6.6唔系贵，超市买都要，但唔钟意嘅系佢点解讲到好似杯嘢系跟餐送咁。
好，讲返个汤檬，料系足嘅，材料本身个味道都唔错，青柠俾两瓣，比起其他舖系多嘅。但系一饮个汤就知出事，因为根本就系普通一间车仔面嘅淡味汤底。唔系以为自己加咗青柠、芽菜、生洋葱、九层塔等配料就系越南菜呀嘛？如果系一个车仔面，ok，材料足嘅。但你咁样收到$75再加一，作为一个车仔面，请问值咩？
最后食饱就算啦，埋单$89。食完8点钟，已经饮晒成杯绿茶同佢俾杯水，但系8点半已经好颈渴，去完上堂后，10点又饮一杯水，返到屋企又饮一杯，临瞓觉12点，4个钟头饮咗4大杯水，都仲觉得好口渴……究竟啲味精系咪唔使钱？
题外话/补充资料：
点完下面评分个「卫生」𠮶栏先醒起，个Menu有条洋葱痴住喺上面啰！
(以上食记乃用户个人意见 , 并不代表OpenRice之观点。)
张贴
