台南皇麵線 (已結業)

去台北的话，我一定去食面线羮，而且仲系晚晚食。贪佢饱肚得嚟又易消化，第一次去台北食面线羮，系帮衬“阿宗”，事隔多年仍念念不忘。坊间好多所谓嘅台湾料理，好多时都中伏。即使系正宗台湾人主理，佢哋嘅面线羮都唔系自己想“寻回嘅味道”，直至响葵涌广场揾到佢！皇面线冇兼卖其他小食只卖面线羮，但你可以加大肠，花枝丸，蚵仔，肉羮…… 可能因为专注嘅关系，当你第一啖食嘅时候，脑海中就会发出“叮”一声！系佢喇！系多年前嘅味道！汤底甜中带咸加微辣，系有鲜味嘅汤头。面线非常幼滑，加上勾芡，造就如此美味嘅面线羮！想加𩠌的话，大肠系最强烈推介！大肠洗得好干净冇杂味。用卤水卤煮入味，但仍然保留爽口弹牙。相比开店初期，大肠份量明显多咗好多，相对抵食咗！蚵仔系细细粒，花枝丸系碎上，其他配料几一般般。价钱方面由$23~$36 不等，响葵涌广场嚟讲属中位数。大碗比细碗多一半，抵食好多。要食就预咗等，一般等5~10分钟，但个人觉得如果店员专注啲快手啲，唔好停晒手唔知等乜咁，其实可以更好。