越泰 (已結業)

年几前系上环返工记得食过哩间餐厅一两次，不过印象中食物同服务质素都好一般，所以之后都冇再去过。今日过开哩头同旧同事聚会。同事就带左我去哩间餐厅。一心谂住见下旧同事，对食都不抱有太大期望，点知又惊喜地食到个唔错既海南鸡饭，鸡同油饭既份量都好足料，鸡肉肉质又好滑好嫩，个酱汁又甜甜酸酸同个海南鸡好配合。之后仲点左个泰式烧猪颈肉青木瓜沙律。个猪颈肉份量又系非常多，完全盖过沙律部份。猪颈肉淋得黎又好爽口，烧到岩岩好👍🏼。青木瓜丝同红萝卜丝粗幼适中，口感好，配上甜酸汁同带有些少虾干味道，好开胃。冬阴公海鲜汤真系好大碗，两个人好难先饮得哂。哩款冬阴公唔太辣，反而椰汁味重，加入海鲜烹煮，汤微辣带鲜带甜，唔错。蜂蜜柚子茶好大杯😮。椰青好大个，超甜👍🏼。听同事讲最近转左老板，所以餐厅食物同服务都改善左。午饭同放工后哩到都多左人排队等位。唔想等位既6点半前就好黎到喇。