影片
更多
2024-08-25
232 浏览
话说重庆大厦 系传统食咖哩嘅地方，但听讲里面好杂，你一入到去就会俾唔同嘅印度人拉客过去，所以小弟从来都未上过去。今次做一个实验睇下系咪咁。一入到去，的确好多印度人拉你去佢餐厅，但只要同佢讲你本身想食边间，原来佢地系会带你去，呢个体验好特别。睇下餐牌先入面装修算几靓Samosa Chaat 印度旁遮普咖哩角 $75呢个就系将普通嘅咖哩角切碎，然后捞一个充满香料嘅酱汁。酱汁上面有鹰嘴豆、生洋葱、番茄，浓烈香料味道，都有少少清新，都几特别嘅。可以试一次，但一般香港华人，应该习惯食返成个咖哩角。Murgh Malai Tikka 乳酪腰果烧鸡 $118Tikka嘅中文系串烧，一般鸡肉系红色果啲Tendori，呢个白色嘅版本无咁常见。呢度系鸡肉烧完，点薄荷乳酪酱，系正嘅，但腰果呢？唔知系完全无出现，定无味啦！令呢个感觉好似Kebab 里面嘅肉咁样。Fish Tikka 黄辣椒粉烧鲭鱼 $148呢个价钱，以为系成条鱼，但原来都系鱼肉串烧。黄辣椒粉，辟到雪鱼嘅味道，所以上枱无明显腥味，但里面都系有雪味。选材方面，餐厅要用心啦！Dahi Poori 乳酪炸米饼粒 $75呢个好似章鱼小丸子嘅，其实都系印
睇下餐牌先
入面装修算几靓
Samosa Chaat 印度旁遮普咖哩角 $75
呢个就系将普通嘅咖哩角切碎，然后捞一个充满香料嘅酱汁。酱汁上面有鹰嘴豆、生洋葱、番茄，浓烈香料味道，都有少少清新，都几特别嘅。可以试一次，但一般香港华人，应该习惯食返成个咖哩角。
Murgh Malai Tikka 乳酪腰果烧鸡 $118
Tikka嘅中文系串烧，一般鸡肉系红色果啲Tendori，呢个白色嘅版本无咁常见。呢度系鸡肉烧完，点薄荷乳酪酱，系正嘅，但腰果呢？唔知系完全无出现，定无味啦！令呢个感觉好似Kebab 里面嘅肉咁样。
Fish Tikka 黄辣椒粉烧鲭鱼 $148
呢个价钱，以为系成条鱼，但原来都系鱼肉串烧。黄辣椒粉，辟到雪鱼嘅味道，所以上枱无明显腥味，但里面都系有雪味。选材方面，餐厅要用心啦！
Dahi Poori 乳酪炸米饼粒 $75
呢个好似章鱼小丸子嘅，其实都系印度食物。平时比较常见点酸辣汁，嘅米饼波波叫Panni Poori，今次呢个米饼波波唔系点酸汁，而系淋乳酪，再放少少薯蓉同石榴上去装饰。乳酪入口好清新，加埋空心嘅米波波，好脆好开胃。但如果摆得耐，波波变腍，真系会超似小丸子，同埋会几饱肚，一样嘢有两种口感。
Lemon Rice 柠檬炒饭 $88
本来见呢个配搭少见，以试伏嘅心态试，但原来呢个炒饭超有惊喜。上枱见到系湿湿地，用好多香料用印度长米炒嘅印度炒饭Biryani 。开头以为系会有一个柠檬酱，原来系炒饭上面挤少少柠檬汁，一样有香料味，但加左柠檬汁之后，弱化同融合，会令个饭易入口左好多。
Mango Lassi $42
芒果味乳酪，正常发挥，都系比较甜。可能我地叫嘅嘢唔够辣，搭唔到解辣嘅效果。
Stawberry Lassi $42
士多啤梨味比较少见，但一样好甜。
小计 $588
加一：$58.5
总数：$646.5
张贴
