影片
更多
2010-09-28
24 浏览
不经不觉师傅都懒左一个星期了, 系时候做番d野喇! 话说早一阵子大只佬相约师傅饭局, 当然同枱点少得未来大只嫂呢, 大只佬话三个人不如去重庆森林食咖哩, 师傅当然欣然答应啦, 皆因有得食仲要系咖哩添, 开正师傅个胃口; 不过师傅就唔知重庆森林有边间好介绍, 最后大只佬就拣左呢间食店, 话呢度食评唔错!去到重庆森林, 真系九曲十三弯, 可幸能够响朵, 皆因一响朵即刻有专人带领去到指定专(车立), 唔使乱咁中! 上到食店大只佬同未来大只嫂已经到左, 师傅迟到皆因天雨影响, 真系万二分抱歉! 师傅坐底后, 大家齐齐商量食咩好, 对师傅而言甚么都可以, 最紧要够辣; 最后一敢决定柯打左咖喱羊肉角, 一份咖哩羊要大辣, 一份咖哩鸡要中辣, 磨菠菜芝士, 再加两份烤饼!落完单再啤一啤, 吹吹水, 不经不觉就有得食; 而第一道登场的正是咖喱羊肉角, 咖喱角师傅真系食唔少, 但已羊肉做馅料, 印象中还是第一次, 入口发觉咖喱羊肉角炸得好脆, 入口卜卜声, 仲唔油添, 而咖哩亦够香, 不过就唔算辣, 加上师傅就食唔出羊肉嘅酥香, 唔讲系羊都冇人知! 食晒份咖哩羊肉角后就等左好耐都未有得食, 大只佬亦前
去到重庆森林, 真系九曲十三弯, 可幸能够响朵, 皆因一响朵即刻有专人带领去到指定专(车立), 唔使乱咁中! 上到食店大只佬同未来大只嫂已经到左, 师傅迟到皆因天雨影响, 真系万二分抱歉! 师傅坐底后, 大家齐齐商量食咩好, 对师傅而言甚么都可以, 最紧要够辣; 最后一敢决定柯打左咖喱羊肉角, 一份咖哩羊要大辣, 一份咖哩鸡要中辣, 磨菠菜芝士, 再加两份烤饼!
落完单再啤一啤, 吹吹水, 不经不觉就有得食; 而第一道登场的正是咖喱羊肉角, 咖喱角师傅真系食唔少, 但已羊肉做馅料, 印象中还是第一次, 入口发觉咖喱羊肉角炸得好脆, 入口卜卜声, 仲唔油添, 而咖哩亦够香, 不过就唔算辣, 加上师傅就食唔出羊肉嘅酥香, 唔讲系羊都冇人知! 食晒份咖哩羊肉角后就等左好耐都未有得食, 大只佬亦前后催左两次先至有第二道菜登场; 而第二道菜系大辣嘅咖哩羊, 大辣咖哩羊个咖哩汁算得上非常香辣, 味道相当惹味, 师傅有种欲罢不能嘅感觉, 呢个咖哩汁真系一绝, 至于呢份羊肉就几酥香, 可惜肉身略干同鞋, 呢个位扣少少分!
当食紧咖哩羊时, 其他菜式亦唔需要再等, 陆续登场! 于是师傅再试个中辣咖哩鸡, ;中辣咖哩汁对师傅黎讲系一d都唔辣, 其实等同冇辣味, 就连一向唔受得辣嘅未来大只嫂亦话冇料到; 不过鸡肉亦算滑身松软, 对于唔食辣嘅人, 中辣真系可以一试, 因为辣都唔辣下! 至于磨菠菜芝士师傅真系唔识点形容, 除左好味之外, 就系好好味, 菠菜同芝士磨到蓉蓉烂烂, 成pat野放入口绝对冇一种唔舒服嘅感觉, 菠菜唔苦而芝士唔会过浓, 洽到好处, 总言之师傅觉得好好味! 仲有两份烤饼, 一份系厚一份系薄, 两份都烤得好香, 而且唔油身, 将咖哩汁同烤饭放埋一齐, 就好似大只佬同未来大只嫂喺埋一齐咁, 简直系绝配, 冇得顶呀!
总括黎讲咖哩水准真的不俗, 环境都舒服干净, 服务态度亦算殷勤, 价钱一般啦, 如果师傅冇记错, 每人应该系九十蚊, 除左份量细少少之外. 都算得上抵食! 当食完咖哩离开间餐厅后, 师傅已经隐隐约约闻到由身上渗发出黎嘅咖哩味, 幸好师傅生得比较白净, 如果唔系就好容易比人当作同乡; 笑脸值得一比, 如果想食正宗印度咖喱又唔介意黎重庆森林, 呢一间都会系唔错嘅选择, 有机会一定会再黎!
张贴
