渝味曉宇重慶老火鍋 (太子集團中心) (已結業)

火锅黎讲通常系食港式或者台式，但呢排好似多左好多新既火锅店，今次就试试呢间重庆火锅。一坐低第一时间就要拣汤底，当中最特别系九宫格锅，但见佢有3条辣椒，第一次都系安全啲食个滋润鸳鸯锅。辣汤底好麻好过瘾，配上香油有另一风味，但猪骨汤底亦唔马虎，有猪骨粟米萝卜，汤底偏甜。两种汤底轮流食，个麻辣味唔会咁快嫌重庆火锅特色系配料好多都系内脏(唔少听过但未食过)，需要细心既事前处理，而系香港好少地方会食到。鲜黄喉。口感好爽脆，份量几大份，一路食到尾但又唔会觉得腻。脆爽猪天梯。同样爽脆，但比起黄喉多啲咬口，有啲似鸡软骨，挂汤应力一流。大刀牛肝。猪肝食得多，牛肝就第一次食，口感唔似猪肝咁爽，比较粉，但「铁」既味道好重，好正。牛骨髓。口感好特别，嫩滑中带点弹牙，今次火锅本人最喜欢的一个食材。推介～不过唔钟意食内脏既朋友可能要突破下个心理关口。除左以试比较特色既配料，基本配料质素都唔差，推介其中的一道 - 重庆耗儿鱼（香港平时叫开剥皮鱼），鱼肉鲜甜，配上麻辣汤都唔会被盖过个鲜味，好味！最后要提一提个洛神花茶，系自家制的，味道浓得黎又唔会太酸，中和返麻辣味道同油腻感。