影片
更多
2017-02-13
5055 浏览
我哋几个人一齐去咗劲叹烧烤场,呢间烧烤场好似都开咗几年之前都听过有其他朋友去过.同我去过嘅烧烤场相比,场地就比较小一啲.一间村屋再加屋外一大片空地,好似去咗人哋屋企BBQ咁,不过都算开扬整洁,场外亦有十几个车位,方便驾车人士.进场时要俾人头费等等先可以开炉,之后店员会细心讲解一番,佢哋仲有提供厚身纸碟,同埋印咗彩色图案,几可爱.我哋晌重庆烧烤同港式烧烤之间拣咗前者,两款嘅分别在于一个系串烧形式同用于长方形网烧炭炉,另一个就系用烧烤叉叉食物同系坐地式嘅炭炉.人头费每人包一款饮品,某啲就要加钱转饮,再加饮品就要额外俾钱.重庆烧烤除咗可以拎串烧食物外,亦都可以拎港式烧烤嘅食物,蔬菜亦都系任意拎,虎虾,菠萝,香蕉就按人头配给.重庆烧烤嘅食物放咗晌村屋入面,全部都系用竹签串好,拎食物时店员偶尔会特别说明烧烤方法.当日肉类有:牛柳,牛舌,羊肉,猪柳,猪颈肉,烟鸭胸,鸡肉,鸡软骨,鸡翼. 丸类有:芝士丸,黑椒牛丸,墨鱼丸,龙虾丸. 肠类有:司华力肠,香肠,红肠,芝士肠. 其他类有:多春鱼,鲭鱼,日式豆卜,猪大肠,猪腩肉,鱿鱼须,墨鱼咀,烟肉卷,肥牛卷. 蔬菜类有:茄子,秋葵,豆角,大葱,尖椒,日本番
我哋几个人一齐去咗劲叹烧烤场,呢间烧烤场好似都开咗几年之前都听过有其他朋友去过.
同我去过嘅烧烤场相比,场地就比较小一啲.一间村屋再加屋外一大片空地,好似去咗人哋屋企BBQ咁,不过都算开扬整洁,场外亦有十几个车位,方便驾车人士.
进场时要俾人头费等等先可以开炉,之后店员会细心讲解一番,佢哋仲有提供厚身纸碟,同埋印咗彩色图案,几可爱.
我哋晌重庆烧烤同港式烧烤之间拣咗前者,两款嘅分别在于一个系串烧形式同用于长方形网烧炭炉,另一个就系用烧烤叉叉食物同系坐地式嘅炭炉.人头费每人包一款饮品,某啲就要加钱转饮,再加饮品就要额外俾钱.
重庆烧烤除咗可以拎串烧食物外,亦都可以拎港式烧烤嘅食物,蔬菜亦都系任意拎,虎虾,菠萝,香蕉就按人头配给.
重庆烧烤嘅食物放咗晌村屋入面,全部都系用竹签串好,拎食物时店员偶尔会特别说明烧烤方法.当日肉类有:牛柳,牛舌,羊肉,猪柳,猪颈肉,烟鸭胸,鸡肉,鸡软骨,鸡翼. 丸类有:芝士丸,黑椒牛丸,墨鱼丸,龙虾丸. 肠类有:司华力肠,香肠,红肠,芝士肠. 其他类有:多春鱼,鲭鱼,日式豆卜,猪大肠,猪腩肉,鱿鱼须,墨鱼咀,烟肉卷,肥牛卷. 蔬菜类有:茄子,秋葵,豆角,大葱,尖椒,日本番薯,韭菜,翠肉瓜,粟米,车厘茄,彩椒,冬菇等等.
饮品柜都系晌屋入面,另外仲有雪糕同各式玩具可以买嚟食同玩,就好似一间小小嘅士多咁.
屋入面养咗只 mix咗拉布拉多血统嘅唐狗,八个月大好贪玩,有阵时见到食客仲会吠,不过店员话佢系想人哋同佢玩,冇乜恶意.呢张相系佢俾店员薄责之后影嘅,好似可怜咁.
屋入口附近仲有只鹦鹉,体型都几大只.
呢个就系重庆烧烤专用嘅炭炉.
开初火势较大,所以店员建议先烧肉类,之后烧蔬菜.烧烤时可以扫烧汁,亦可按喜好洒少少孜然粉,辣粉,椒盐粉调味,我哋仲额外买咗兜蜜糖,蔬菜就要边烧边扫水.炉入面飘出嚟嘅炭屑唔多,但火焰几猛,食物放上去烧几烧,反几反就得,好似比港式烧烤易熟,整个过程都晌度密密食,同埋要好专注咁睇住,一唔留神或唔记得反转就会烧焦,烧比较多油嘅食物时烟雾仲几多.
按人头配给嘅虎虾都几大只,肉厚弹牙.
我哋将所有食物都扫烧汁,味道唔死咸,都几惹味.当中嘅烟肉卷咸香.猪腩肉松化唔痴牙.猪大肠就已经预先煮熟,只系略为烧一下就得,外脆内软腍,亦冇腥臭味.烟鸭胸有油香,不过非常抢火.鸡软骨爽口.墨鱼咀,鱿鱼须弹牙.羊肉就微膻唔韧.
然后就去屋后面睇下港式烧烤嘅食物有乜选择,所有食物都存放晌冻柜入面,同埋盖咗盖,以保持卫生.
除咗有额外嘅厚方包,蒜蓉牛油同原味牛油外,食物种类基本上同重庆烧烤大同小异.
唔同之处在于某几款食物都系用调味料腌过,例如有黑椒,香草,孜然,咖哩,蒜蓉,柱候同香辣口味等等,仲有比较大块嘅肉类例如大鸡脾,鸡全翼,猪扒,羊扒,牛扒,鱿鱼,金沙骨,鸭肾等等,但就冇标个名出嚟,要凭肉眼去估系乜肉类同口味.
食完一轮肉,系时候食蔬菜.呢度有秋葵,可谓烧烤场少见,烧好后外皮脆而带韧性,入面变得爽口,对于平时怕食黏黏质感嘅人嚟讲比较易接受.原条茄子就放晌炉上烧一阵,再切开同洒啲调味料上去烧一阵就得,食𠮶阵茄子肉一丝丝软绵多汁.日本番薯,店员话已经预先煮熟,烧一烧就得,食落扎实甜香,有啲似我之前食过嘅栗子番薯,仲可以连皮一齐食.按人头配给嘅菠萝酸甜多汁,几消滞.厚方包就可以用嚟自制炭烧版蒜蓉牛油多士.
按人头配给嘅香蕉,亦系原只放晌炉上,烧到变黑就可以拎俾店员将佢切开再淋朱古力酱,作为甜品都唔错.
入夜后场内灯饰亮起,又系另一番景象.呢次我只系食咗重庆烧烤嘅食物,自己就比较钟意烟鸭胸,鸡软骨,羊肉,猪大肠同菠萝.
张贴
