渝人碼頭 (已結業)

收工约咗朋友嚟到湾仔呢间食重庆火锅嘅渝人码头，我哋叫咗个鸳鸯锅，一边系皮蛋香菜汤底，令一边系松茸汤底，两个汤底都好清新，而且系好香好浓嘅香菜味同埋菇味。火锅配料方面， 都有好多选择，而且佢好在可以拣一份或半分，咁样食物就唔会浪费啦！码头3秒海带：真系渌3秒就食得， 半分嘅份量都唔算少极上肉类拼盘：有齐牛、猪、羊三种，每种肉都又5块， 每一块嘅size也不算少。牛同猪都唔错，羊就小小苏，好有羊味，啱晒钟意食羊嘅人。韭菜猪肉水饺：叫咗一分，有八粒，粒粒都饱满多饀。鸭血：如果鸭血配麻辣汤底就劲正，但今次配唔辣嘅汤底都好味㖞，好滑溜，火锅必点。重庆红薯粉：叫咗一份，份量都多，好粗好弹牙，正呀！手工特级虾滑：味道都唔错，半分嘅份量都唔少。重庆酥肉：炸得香脆，小小辣，热食必点之选。食咗咁多嘢，连加一酱料都系total $800有找，两个人食，食得好饱。可以满足回家了。