重慶老巷 (已結業)

今日本身好想去食面，但系去到间餐厅，竟然闩左门，有啲懒得再去揾吓一间，就直接走咗入佢隔离间餐厅。感觉几特别，因为佢系行100%嘅复古风。好有历史感觉嘅凳同埋枱，令人感觉好似去咗乡村啲祠堂。由于赶时间嘅关系，我随便点左一个重庆石锅牛肉饭。牛肉爆香得啱啱好，啲饭有啱啱好煮到有饭焦，其实我自己好钟意食饭焦，估唔到唔小心入咗嘅餐厅竟然食到，好开心，哈哈哈。当我仲谂紧叫啲咩野饮嘅时候，我见到我朋友嗌嘅可乐竟然系玻璃樽装嘅，我又二话不说甘叫咗同一支。果然呢间系行100%嘅复古风，下次会再嚟试其他唔同食物😋