渝味曉宇重慶老火鍋 (太子集團中心) (已結業)

由8月起至到10月底，渝味晓宇做紧午市火锅免锅底，人头可以悭番$38。咁就可以叫多两罐可乐或者一篮菜啦。太子集团中心喺isquare隔离，19/F嘅渝味窗口位置都享有海景。入座坐底后店员会先奉上茶同据称可以护住个胃嘅红枣雪耳糖水。调味个人觉得唔系好需要，因为材料新鲜加上汤底味浓，挟起即食相信系最好味。点菜可以拣选全份或半份，人少唔想同一样𩠌食太多而又想食多几款，建议全部都拣选半份，价钱都近贴全份除二。其实好想叫佢个九宫格麻辣大红锅，影相打卡呃like赢晒。不过为咗肠胃著想，保险啲叫咗鸳鸯锅：大骨滋补锅拼普通辣汤。(哩度一系就有3只辣椒嘅重庆辣汤，弱啲就系两只辣椒嘅普通辣汤)汤底虽然免费但都好足料，上火锅配料速度亦快。半份半份咁叫都摆满咗张枱。而半份嘅份量对得起价钱，配料全部都好新鲜。牛肉、毛肚、苕粉、豆皮、血旺同冰豆腐都系必点，配辣汤食超好味，变孖润肠都抵。普通辣汤食落其实都几解，冰底可乐绝对系救火必备。