華達印度餐廳 (重慶大廈)

营业中

休息中

重庆大厦一直都系印度美食集中嘅地方，要揾好野食首先要做足功课，然后避开门口嘅人群，一野冲入去直达目的地。今次就去咗一楼呢间Swagat，同一般印度餐厅一样，装修较为简约，但同时又充满印度色彩。餐厅同时得到清真认证，代表所售卖嘅都系合法嘅清真食品。先讲讲佢嘅烤免治羊肉串(Lamb Seekh Kebab)，香料嘅味道十分浓，羊肉完全唔膻，而且唔系太辣，十分惹味。牛油烤鸡(Butter Chicken)，鸡肉十分嫩滑，而个汁甜甜地带微辣，同个鸡十分match。食得印度野基本上都离唔开印度薄饼，我地分别叫左烤饼(Plain Nan)、蒜蓉烤饼(Garlic Nan)同炸牛油松饼(Lachha Paranth)，每一款都十分香口，而且清楚咁食到麦粉同面粉嘅香味，配合埋牛油烤鸡嘅汁一齐食真系一流。饮品方便当然系饮奶昔(Lassi)啦，芒果奶昔同士多啤梨奶昔同样细滑，饮得到生果嘅味道之余亦有奶香。