吞POT 雞煲火鍋.住家菜

营业中

休息中

今日放工同朋友去旺角食鸡煲，呢间鸡煲地理位置唔错，喺旺角或者旺角东站去都好方便。一入到去发现环境都唔错，座位舒适，坐窗边仲可以望风景添。呢到嘅人服务态度都好好呀。同朋友叫左半只重庆麻辣鸡煲，建议唔系好识得辣嘅人叫BB辣就好喇，我地叫左小辣，但已经辣到每食一啖都要饮野饮。鸡煲香味浓郁，好有麻辣香味，鸡味道不错，同埋都好多肉下。野饮方面，我地叫左杯西柚特饮，西柚味十足，都好大杯呢，如果唔系辣到不断饮野就应该岩岩好够一餐饮。配菜方面，我地叫左牛柏叶，娃娃菜，豆腐，乌冬同金菇。两个人食呢啲都已经好饱，每样配菜份量都好多，每一份嘅份量都好足够两个人食。配菜摆入煲内吸晒煲入面嘅汤，唔洗点酱油食都已经好好味喇。