串燒咖啡 (已結業)

好姊妹闭关左成大半年生bb, 今日终于"放监"喇知道佢自由时间有限，我拣左佢屋企附近既串烧咖啡 同佢欢乐时光倾下计。呢楝大厦曾经系我地中学时代成日放学流连既地方黎架。差唔多每层都有我地既足迹 哈哈。不过都十年前了，好多间cafe都已经转手了。串烧咖啡地方细细 但有梳化座位，宽敞而且坐得舒适。餐牌上既饭/意粉跟饮品可减7蚊。我地叫左卡邦尼亚意粉。竟然有台湾水果茶仲要跟餐减7蚊，太抵喇~~拣番一杯透心凉之选先！*班尼蛋卡邦尼意粉*香喷喷芝士味 热辣辣咁送上。意粉煮得硬度岩岩好，弹牙唔会太稔。卡邦尼汁好creamy, 每啖意粉都沾到香浓既汁，好味*综合鲜杂果茶*饮到一半先记得影相 哈哈。好大杯呀~~两个人share都够饮。果茶够冰冻，岩哂而家炎炎夏日呀！红茶底清清地，微甜，配埋新鲜既水果，有得饮又有得食，健康又解暑我个friend大爱~~最后点多左个香草鸡翼，香草加上蜜糖，鸡翼即刻生色不少，香脆好味一个人食哂五只都得呀。开心时间说说笑笑 话咁快又过去。怀念中学时光。。。朋友唔需要常见，在心中，互相关心就好了。相隔多久见面都无关系，话题依旧多，感觉依然亲密。