影片
更多
2022-02-11
165 浏览
意大利系一个我自己都几钟意嘅国家，除咗有好靓嘅海岸线风景之外，仲有好多好美味嘅美食，只要你去过一次就已经流连忘返！而家疫情嘅关系冇得去旅行，好彩香港都有好正宗嘅意大利餐厅店舖可以俾大家感受一下暂时去咗意大利嘅感觉。今次去咗呢间餐厅好特别，前面规划为餐厅嘅部份，店舖后半部就系一间意大利食材店，楼上更加有包厢，感觉真系好似意大利五渔村𠮶啲舖头咁好得意，我自己食完饭之后都买咗啲食材返去试吓㗎，不过今次嘅篇幅我想主打讲餐厅嘅食品，事不宜迟我哋开始啦！首先我叫咗杯佢哋嘅招牌Homemade lemonade ，味道好清新但系唔会太酸，微微带点香草嘅味道，我自己好钟意。意式手工肉丸嘅肉质好饱满配合返入口酸酸地嘅蕃茄汁，绝对系刺激到你嘅味蕾，钟意重口味嘅你绝对唔好错过。另外我都叫咗一份烤焗千层茄子，唔讲唔知，利用茄子去做千层面嘅馅料系意大利最古老亦都系最佢哋国家本身比较独特嘅版本，肉类馅料嘅反而系之后变化出嚟嘅，咁有特色嘅菜当然要试吓啦！佢嘅茄子同埋芝士每一层都好均匀咁样放上去烤焗，由于佢加入左两种芝士，所以一入口会食得出食到两款芝士唔同嘅口感同埋芬芳。茄子入口即溶，而且番茄酱入口唔会酸，整体嘅感觉
今次去咗呢间餐厅好特别，前面规划为餐厅嘅部份，店舖后半部就系一间意大利食材店，楼上更加有包厢，感觉真系好似意大利五渔村𠮶啲舖头咁好得意，我自己食完饭之后都买咗啲食材返去试吓㗎，不过今次嘅篇幅我想主打讲餐厅嘅食品，事不宜迟我哋开始啦！
首先我叫咗杯佢哋嘅招牌Homemade lemonade ，味道好清新但系唔会太酸，微微带点香草嘅味道，我自己好钟意。
意式手工肉丸嘅肉质好饱满配合返入口酸酸地嘅蕃茄汁，绝对系刺激到你嘅味蕾，钟意重口味嘅你绝对唔好错过。
另外我都叫咗一份烤焗千层茄子，唔讲唔知，利用茄子去做千层面嘅馅料系意大利最古老亦都系最佢哋国家本身比较独特嘅版本，肉类馅料嘅反而系之后变化出嚟嘅，咁有特色嘅菜当然要试吓啦！佢嘅茄子同埋芝士每一层都好均匀咁样放上去烤焗，由于佢加入左两种芝士，所以一入口会食得出食到两款芝士唔同嘅口感同埋芬芳。茄子入口即溶，而且番茄酱入口唔会酸，整体嘅感觉唔会一口油，我自己都好推荐！
意大利鲈鱼利用白酒烹调过之后一上枱嘅味道超级香，佢嘅外皮煎到香脆，鱼肉入口好结实完全无鱼腥味，绝对唔会比一般嘅肉类输蚀。
最后我都叫咗一个Tiramisu为呢一餐画上句号，佢嘅入口唔会好苦，而且饼干都好湿润，系一个大人同埋小朋友食入口后都会好满足嘅甜品。总括嚟讲呢间餐厅嘅性价比真系好唔错，午市嘅餐牌百零蚊左右就已经有三个好正宗嘅菜式，而且份量亦都好大碟CP值好高，餐厅亦都一路播住啲意大利风情嘅音乐，我自己觉得好值得嚟呢度享受佢嘅餐点顺便感受下意大利嘅风情，大家有兴趣就去试吓啦！
张贴
