迷日食堂

营业中

休息中

去日本旅行我其中一样好钟意食嘅就系可乐饼，呢日同朋友嚟葵广行街，见到呢间成间粉红色铺面好少女心嘅铺头有可好饼卖，就毫不犹豫咁叫咗。我地叫咗个高级和牛set同串烧丸子，有咸有甜啱啱好就一餐。因为系即叫即炸嘅关系，我地约莫等咗8-9分钟左右，唔算好耐，而且啲食物上手真系热辣辣，一口咬真系会热亲个嘴㗎。首先食咗个爆汁牛弹，咬落啖啖肉而且名副其实真系会爆汁㗎，好味！另外嘅厚切和牛薯弹就真系好大份，入面嘅薯蓉都好creamy,中间夹住几旧牛肉。我地另外仲叫咗串烧丸子，呢样就系微温，可以中和一吓另外两件炸物嘅热力。丸子上面嘅酱油汁咸咸甜甜，丸子嘅烟韧度适中，真系好有系日本食嘅感觉，好喜欢！另外，铺头仲有唔少日本嘅商品可以买，真系贯彻始终，系一间迷日食堂！