影片
更多
2013-10-01
383 浏览
十几廿年前住友爱村，一过十点 D 车仔档就会出黎聚集o系友爱村巴士站一带做生意，印像中最繁盛时期至少有三十档以上。有卖衣服玩具日用品等干货，而熟食档种类非常多，除左煎酿三宝同滚鱼弹牛柏叶水鱿之外，另外仲有炒河粉面、车仔面、清汤牛丸猪肉丸（以前啲粒粒手打既好香）、沙嗲串烧、杂果凉粉珍多冰、自制烧卖粉果牛肉球、猪肠粉、格仔饼鸡蛋仔、炒鸡翼尖、炸蚝饼、炸大肠等。虽然呢啲嘢好似大部份依家都有人卖，但当年o果种成条街都系车仔档，人多挤迫得好比会展美食展既「繁华」场面已经不复再。可能因为再无机会再食既关系，又或者依家间间卖既工场大量生产既货，硬系觉得以前𠮶啲好味好多。当中炸蚝饼系我既至爱，而食蚝饼呢个习惯系老豆影响既。最初食蚝觉得阵味好腥，加上生葱花芫茜o系面头简直腥上加腥。蚝，正如芝士红酒、黑松露、榴梿、海胆等，当你懂得欣赏个中独特味道既时候，就系你上瘾之时。呢档小食档开业已经有一年，最初佢挂个牌写住「蚝饼专家」四只字，我走去问老板讲笑话：「专家咁劲呀？」倾左几句发觉原来佢系以前都有o系友爱村度卖炸蚝饼，当堂觉得倍感亲切，夜晚放工就算唔帮亲，见到都会打声招呼。以一个炸左十几廿年蚝饼既人来讲，「专
当中炸蚝饼系我既至爱，而食蚝饼呢个习惯系老豆影响既。最初食蚝觉得阵味好腥，加上生葱花芫茜o系面头简直腥上加腥。蚝，正如芝士红酒、黑松露、榴梿、海胆等，当你懂得欣赏个中独特味道既时候，就系你上瘾之时。
呢档小食档开业已经有一年，最初佢挂个牌写住「蚝饼专家」四只字，我走去问老板讲笑话：「专家咁劲呀？」倾左几句发觉原来佢系以前都有o系友爱村度卖炸蚝饼，当堂觉得倍感亲切，夜晚放工就算唔帮亲，见到都会打声招呼。以一个炸左十几廿年蚝饼既人来讲，「专家」二字当之无愧。
讲番正经，我试过好多潮州打冷、庙街、酒楼既蚝饼，我对蚝饼自问几有要求。呢档卖既蚝饼真系几有水准，好过庙街好多档同好多打冷档。要知道人地卖炸蚝饼只系店内其中一样食物，而佢专心一意卖炸蚝饼，原先只得 80 分，我都会比多 10 分佢。这 10 分，就系畀佢既敬佢既专业，同街坊食肆𠮶份人情味。
讲到咁好，点解都唔比满分呢？无他既，o系我心目中最好既始终系细过夜晚老豆加班买番黎屋企o系底蚝饼。另外，好似所有食肆一样，佢每次整既，水准间唔时都有上落。有时整得饼底松软香脆，蚝仔又够香又 juicy；而有时食落就一般般。总体上都系值得返转头帮衬。
仲有一个贴士，就系我会叫老板落芫茜去粉浆度一齐炸，芫茜碎炸过之后有清甜味道，好夹蚝仔阵味的。另外老板问要炸得脆啲定要淋啲既时候，我会选择淋啲，咁啲蚝会 juicy 啲架！
张贴
