南記飯店 (已結業)

前排同朋友帮趁过一次南记﹐当然有叫最出名的咸鸡同卤鹅﹐呢两样唔需要多介绍﹐的确几高水准﹐而我自己就比较喜欢个咸鸡多少少。另外叫左﹕胡椒猪肚汤- 正﹗重料胡椒﹐重料猪肚(仲有少少猪肠)﹐味道香浓﹐系比较正宗的潮洲口味﹐如果只饮惯广东汤的朋友可能会觉得太重味﹐但系正宗应该如此的。如果冬天饮就真系一流。炸蚝饼- 炸得好香脆﹐蚝仔份量足﹐好大份﹐但亦都好油﹐食左三份二就已经满口油食唔落。虽然炸蚝饼用油炸﹐有油都正常﹐但如果上碟前先用纸索一索D油应该会好D。鹅盒- 虽然系“特别食品”﹐但系食落都无咩特别﹐口感有D似炸芋泥﹐但味道就香口些﹐因为应该系用左五香粉﹐不过我个人不太欣赏。南记炒饭- 呢个唔错﹐炒得香口干身料又多﹐值得一试﹗其实南记价钱唔算系好经济一类﹐但味道总算系不错的﹐算物有所值一类啦...伙记态度唔算好又唔算差﹐反而收银处的阿伯(应该系老板﹖) 就非常好招呼又有礼。