富士山55 (拉麵沾麵專門店)

营业中

休息中

两年半前未对拉面沾面产生强烈兴趣，对出品亦不甚讲究。当时曾经黎过富士山55，只觉得都唔错呀，但未有留低深刻印象。近年越食越要求高，亦睇到好多食评，先知道原来呢间55系超具人气。决定今日再访，证明当时真系有眼不识富士山。今日到来柯打左两客沾面。从未惊过重口味，必选一客特浓豚骨汤，再加一客樱虾汤。 特浓豚骨沾面  单睇卖相已经不错。此处特色系沾面用铁碗装著，正方便用迷你电磁炉加热，保持沾汤温度。特浓豚骨汤真系浓得不错，再加上鱼介粉，鱼介香比豚骨味更为突出，非常香甜。个人几欣赏佢嘅面条，粗身面非常烟韧，飞水亦唔错，微冻正好。配料方面有两片薄叉烧，略为烧过，叉烧虽然薄但味道相当香甜，肥瘦相间，不错。而溏心蛋颜色浅白，应该无特过卤过，但入口相当甜，溏心程度亦算唔错。最后加入鲣鱼汤，将汤一饮而尽。  樱虾沾面  樱虾沾汤系豚骨汤基础上加多满满一层樱花虾，豚骨汤浓度略减，更加提升到樱虾嘅香甜味，此款会配上细面。最后，将樱花汤改造成芝士饭，虾香味配上芝士香，非常好味。今日再访的确令我重新爱上，全靠一个小小嘅电磁炉，令沾汤可以长期保持高温，正系食沾面一大加分之处。