平成二十二日本料理 (已結業)

放题呢几年好盛行，放题餐厅开到成行成市。要突围而出，重点都系要靠质素取胜。今次要介绍俾大家既系喺尖沙咀山林道的平成二十二日本料理，绝对值得推荐。晚市放题时间分两场，入场时间分别6:00/8:30。8:20到达餐厅的门口，门外已经有十几人排队等入场，入到去之后，更发现全场爆满，好彩有预早订定位，如果唔系真系会失望而回。之后就开始落order点食物，食物的种类都算OK多。刺身、寿司、军舰及沙律，样样齐。值得一提的系刺身有特大只的甘海老🦐🦐，只只都大约有10cm长，而且好新鲜，所以要Encore。另外一样惊喜系象拔蚌刺身，呢款刺身唔系度度都有，估唔到食放题都会有得食，仲要好新鲜。一定要一点再点呀。熟食方面，有天妇罗、乌冬、拉面及饭。每样的份量都刚刚好，所以可以试晒所有食物，钟意的款式就Encore。另外，有雪柜专放饮品，自助形式去拎，仲有啤酒、清酒供应。另外分别有甜品、雪条系自助的。整体黎讲，食物质素都系高上的水平，完全无浪费到Quota，每样食物都值得一试。所以真系好满足呀😋。