鐵板燒和菊 (已結業)

上星期一公众假期，想发掘吓啲唔使咁远嘅餐厅同屋企人去试吓。呢间离屋企只需约10分钟路程，我哋叫两种Lunch set share, 再Upgrade一份薄烧牛肉做和牛。整体上全部都好食。其中最值得推介嘅系「和菊烟熏北海道帆立贝」，原本Lunch set只系「日本清酒煮大蚬」但因为大蚬货唔够靓，所以免费Upgrade做呢个餐厅撚手菜，好似系先轻煎只带子再用三种菊花焗至8成熟，个面感觉有啲Caramelised咁，里面糖心，好食，果然唔系浪得虚名。炒饭功夫好但咸咗啲少少。网上有知名食评家话和菊可以同铸，山下鼎足而三。食品同服务方面系非常唔错，唯一系地方比较迫些少。除咗呢三间大家有兴趣亦可以试下Marble，铁板烧+French Fusion，个人觉得几好。人均连加一约$400。我同家人都好满意。