影片
更多
2016-06-18
1245 浏览
多年前跟同事黎过食碗酸辣面，今日神推鬼拥唔知食咩好，左兜右兜点知黎左真真，见只得食客三两个，大把位任坐，环境宁静又悠闲。最初唔明张单上面点解咁多剔号，谂谂吓，哦﹗原来数字代表价钱，9 乘 4 咪 36 啰。酸辣汤面，暖暖地唔够热，已经琼到一劈劈，杰到粥一样，豆粉味极浓。配料较为单调普通，青豆、豆腐、猪红、蛋花，而且味道唔够酸又唔够辣，我又要自己额外再加醋及豆腐酱，尝试调调味会否好一点，但豆瓣酱劲咸而辣椒油得油味完全唔辣，救命！但返魂乏术，格硬食完算。好失望﹗浪费我宝贵既 quota！味道及用料都强差人意，心情跌落谷底。酸辣汤味道似泰式鸡酱捞醋，偏甜不香。面条正常无问题，不过腍不糊口不粉口，合格。不过挂上劣质酸辣汤同吃，都系算罢啦。饮过上海菜馆即煮滚热辣美味多料酸辣汤后，真系返唔到转头。上海排骨，我一直都唔明，根本系猪扒黎架㖞，点解叫排骨呢？大陆同香港叫法唔同？那么肉排呢？味道不过不失，腌味大路，炸得外层略脆而香口，里面质地软棉棉，只系 dry 了点啫，肉汁干涸，切厚一点可锁住更多肉汁。食过最好食既排骨菜饭系铜锣湾美味厨，仲系我唯一会食既菜饭。炸鸡全翼，因为即叫即炸制作需时，所以最后先到
酸辣汤面，暖暖地唔够热，已经琼到一劈劈，杰到粥一样，豆粉味极浓。配料较为单调普通，青豆、豆腐、猪红、蛋花，而且味道唔够酸又唔够辣，
我又要自己额外再加醋及豆腐酱，尝试调调味会否好一点，但豆瓣酱劲咸而辣椒油得油味完全唔辣，救命！但返魂乏术，格硬食完算。好失望﹗浪费我宝贵既 quota！味道及用料都强差人意，心情跌落谷底。酸辣汤味道似泰式鸡酱捞醋，偏甜不香。
面条正常无问题，不过腍不糊口不粉口，合格。不过挂上劣质酸辣汤同吃，都系算罢啦。饮过上海菜馆即煮滚热辣美味多料酸辣汤后，真系返唔到转头。
上海排骨，我一直都唔明，根本系猪扒黎架㖞，点解叫排骨呢？大陆同香港叫法唔同？那么肉排呢？味道不过不失，腌味大路，炸得外层略脆而香口，里面质地软棉棉，只系 dry 了点啫，肉汁干涸，切厚一点可锁住更多肉汁。食过最好食既排骨菜饭系铜锣湾美味厨，仲系我唯一会食既菜饭。
炸鸡全翼，因为即叫即炸制作需时，所以最后先到。久等了，热腾腾大驾光临，彷似隐约仍听到油炸吱吱声呢！外皮香脆都尚算炸得干身不油，略厌㶶了一点点。腌味普通不怎特别，内里白雪雪嫩肉微渗，平凡合格。
油豆腐粉丝汤，第一次认识油豆腐粉丝汤，原来那么甜美可口，最好食今次！比上海排骨、炸鸡翼还要好味呢。有大量雪菜、少量大头菜、白菜仔都好好味，汤底带著天然菜甜味，特别鲜甜，味浓有咸香。
立方形豆卜胀卜卜，外形十分可爱，仲煎酿左猪肉系里面，真系估您唔到！煎得猪肉非常香口，豆卜索汤一流，一咬爆汁澎湃，跟猪肉味道融合极致，多种质感，非常好食！
还以为会系斋油豆腐长方形一块块，竟然酿菜肉系里面呢，惊喜万分！元宝形油豆腐外观饺子一样，软塾香滑豆腐包著菜肉馅，滑弹细致，味道出众。
粉丝粉量也不少，质地硬净爽爽的，本身味道偏淡，夹杂住雪菜油豆腐同吃会较好味。捞上强咸辣味豆瓣酱都唔错，似乎福字粉丝、超力粉丝，即食粉丝味道更适合我。
酸辣汤
50 浏览
0 赞好
0 留言
酸辣汤面
52 浏览
0 赞好
0 留言
上海排骨
24 浏览
0 赞好
0 留言
炸鸡全翼
30 浏览
0 赞好
0 留言
油豆腐粉丝汤
90 浏览
0 赞好
0 留言
油豆腐粉丝汤
63 浏览
0 赞好
0 留言
张贴
