小食糖 (已結業)

呢间餐厅都几得意，以为系室内餐厅，但其实系半开放。系美丽华广场见到课室主题嘅餐厅，都几有趣。啲枱枱櫈櫈真系好有小学嘅感觉，多数都有划痕同写咗一啲字句，好怀旧。不过枱櫈有少少矮，会坐得有啲辛苦。个晚我唔太饿又惊食唔晒，本来想叫综合水饺（高丽菜、韭菜、香菇鸡肉）配卤肉汤面，食得清淡啲，点知无得食。最后拣咗台南盐水意面套餐。-台南盐水意面套餐呢个餐都几多配料，有牛腱、卤蛋、豆干、萝卜、海带、猪耳朵，成碟卤水拼盘咁。另有卤肉拌面，都几好食。卤蛋口感有啲硬，入口麻麻。猪耳几入味，其他配料都唔错。-起司薯条同朋友开心share薯条，餐厅落咗大量芝士酱，似系车打芝士整成。但我自己唔太好车打芝士嘅味，多数斋食薯条。薯条炸得几好，金黄脆口。芝士酱我都试咗少少，好重芝士咸香，唔算太腻，芝士爱好者应该会好钟意。-黑糖珍珠奶茶呢个造型几得意，好似化学实验咁。将奶茶倒入装有黑糖珍珠嘅量杯，可惜饮个阵严重饮唔到珍珠，长期聚晒系底。要自己揾匙羹捞起珍珠嚟饮，饮得劲辛苦。至于味道，黑糖味唔多，珍珠口感唔够烟韧。奶茶普通，茶味唔太浓厚。感觉只有卖相吸引，空有其壳，有啲失望。