影片
更多
2011-10-16
17 浏览
旧年同太太去了一转台南、高雄、垦丁旅行，食咗好多好嘢，虽然本身对台湾菜唔算好热爱，但又几钟意佢哋对小食嘅创意，突然又想食吓台式嘢，不过就唔系晌街边食台式小食喇，想坐得舒服食番餐好好哋嘅，故此就拉埋太太，拣咗美心系嘅八喜，顺便重温一吓𠮶时去台湾嘅种种趣事。八喜位置少许吊脚，晌湾仔同铜锣湾港铁站之间，所以搭叮叮就最好，门口有落。相反，食完返屋企先搭地铁，一来要过海，二来隔离集成中心有地铁$2特惠站，拍一拍悭$2！如果拣到卡位好啲，除咗因为对窗有街景望吓之余，感觉上座位比较阔落。相反，其他圆枱就显然排得比较密。不过，因为只得我两公婆，俾咗张4人圆枱我哋，所以变相坐得松动，唔使背对背向著另一枱。至于招呼服务，一贯美心水准，虽然今晚睇落都几多人，但斟茶递水、落单上菜都好到位。嗌咗4款点心小食，压尾加个炒饭，茶芥$8位，泡菜$12，连埋加一，埋单二百松啲，话贵唔贵，话平唔平，最紧要轻轻松松，坐得舒服，食物又好味，咁就OK啦！灌汤小笼包一笼有4只卖$30，试过就真系觉得几抵食。嚟到嘅时候望落几大只，唔好见佢一只二只个样扁挞挞，用筷子一夹起，灌汤得紧要，里面劲多汤汁荡吓荡吓，而外皮又软又薄得紧要，透出
八喜位置少许吊脚，晌湾仔同铜锣湾港铁站之间，所以搭叮叮就最好，门口有落。相反，食完返屋企先搭地铁，一来要过海，二来隔离集成中心有地铁$2特惠站，拍一拍悭$2！
如果拣到卡位好啲，除咗因为对窗有街景望吓之余，感觉上座位比较阔落。相反，其他圆枱就显然排得比较密。不过，因为只得我两公婆，俾咗张4人圆枱我哋，所以变相坐得松动，唔使背对背向著另一枱。至于招呼服务，一贯美心水准，虽然今晚睇落都几多人，但斟茶递水、落单上菜都好到位。嗌咗4款点心小食，压尾加个炒饭，茶芥$8位，泡菜$12，连埋加一，埋单二百松啲，话贵唔贵，话平唔平，最紧要轻轻松松，坐得舒服，食物又好味，咁就OK啦！
灌汤小笼包一笼有4只卖$30，试过就真系觉得几抵食。嚟到嘅时候望落几大只，唔好见佢一只二只个样扁挞挞，用筷子一夹起，灌汤得紧要，里面劲多汤汁荡吓荡吓，而外皮又软又薄得紧要，透出汤色，真系要小心食，免得烫口。味道好好，汤汁浓郁，肉馅松软！
肉燥蒸芋粿一客有3件卖$28，今餐心水至爱，其实以前都试过，知道好食，所以今次再点。蒸芋粿，以蕃薯粉、米浆、芋头丝蒸成糕状，再切成丁方一件件，晌上面淋上肉燥即成。芋粿很有芋香，单睇侧面就见有几真材实料，芋丝一丝丝密密麻麻咁踪横交错，咬落松化而不易烂，肉燥酱又惹味香浓，确系好食！
台南胡椒饼一客有2大个卖$30，每个都一开四，方便食用。新鲜即焗，所以等候需时，上枱时热辣辣。醮满芝麻嘅外皮松脆甘香，而肉馅食多几口先知有啲桥妙，牛肉有碎亦有块，感觉有趣，而且充满肉香又多汁之余，胡椒香更系扑鼻而来啦，正！
八喜招牌春卷基本上一客有两条春卷，不过，斜切一开二，叫做一客有4件，卖 $30。依个春卷都唔错，以腐皮作为春卷皮包扎馅料，口感觉得更脆，而内里有鱼块同翠玉瓜粒，有别于猪肉馅，所以食落真系几特别！
（P.S.小弟部DC仔无电，用太太部手机影，所以效果差强人意，都照贴出嚟志在俾大家睇睇个买相造型）
樱花虾炒饭$60有时朋友去台湾旅行都钟意买一樽樽樱花虾返嚟做手信，我哋钟意用嚟伴粥食。今次点个樱花虾炒饭，又试吓味道如何？原来唔单有樱花虾，仲有加咗烟肉碎同露笋仔粒，而且饭粒炒得少油爽身，带点烟肉嘅香，又有露笋嘅爽，配合樱花虾脆脆咬口，所以个炒饭确系几好食。
（P.S.相片都系用太太部手机影，请见谅）
后记：初时点菜以为食得晒，结果碟饭食净大半，打包拎走当早餐。眼阔肚窄，晌上转台湾之旅又系咁，眼见有好多嘢食，样样想试，结果餐餐饱到上心口！哈哈！张贴
