東京大眾酒場 (已結業)

前排迟放工会系公司附近揾下野食同同事倾倾计，见大角咀利奥坊有新餐厅开左，就去试下新野。一入门口就见到大大个关东煮档口🍢好多种类，揾个位坐低之后可以慢慢拣。关东煮汤底清甜，唔会盖过食材本身既味道。极推介牛筋！牛筋好腍同时会有胶质既口感，好正。萝卜，蒟蒻同鱼糕都系关东煮必点，萝卜好入味，蒟蒻爽口，鱼糕烟韧弹牙。关东煮种类甚多，虽然无全部试哂，但普遍质素都高，因为最重要既汤底都好味，就咁饮都无问题！另外仲有少少前菜同串烧，偏向重口味，非常适宜佐酒，同朋友一路倾一路饮酒一路食真系好正，到后半倾得太开心，已经忘记影相。虽然地区算偏僻，但食物质素合格以上，味道都贴紧日本旅行时食到既关东煮同串烧，好适合三五知己黎聚合，系会再次光临的餐厅。