王家沙．花好月圓 (又一城)

营业中

休息中

相约旧朋友到又一城睇戏, 顺道一齐食Dinner, 经过见到王家沙即时忆起当年中学回忆, 宜家升级为「王家沙．花好月圆」, 多咗唔少菜式, 吸引了我地帮衬。环境舒适企理, 装修富有中国风; 平日晚人流唔多, 无限时间交台, 可以同朋友倾住计慢慢食。【花雕醉鸡】HK$108醉鸡几嫩滑, 而且非常入味, 每啖都能吃出香醇重酒味。 【金牌蟹粉生煎包】HK$78生煎包底部煎得金黄脆口, 包质地软熟, 馅料带有鲜肉香兼有淡淡蟹鲜味。【酸辣汤锟钝】HK$78酸辣汤底质地易挂汁, 酸辣平均, 锟钝皮厚薄刚好, 吸汤后都唔会有糊状口感, 不过馅料嘅韮菜味道唔太突出。【招牌炸猪扒担担面】HK$118担担面可拣辣同唔辣, 不过拣辣嘅都唔太辣, 花生酱味道浓郁, 挂汁面条味道浓郁, 带有些少肉碎同埋花生碎, 增加口感层次; 猪扒外层酥脆有口感。【芝麻豆沙饼】HK$48豆沙饼面层布满芝麻, 夹住些少豆沙, 香口又唔会太甜。