詠藜園四川菜館 (已搬遷) 新店位置

今日同老友喺附近食个午餐。选择左咏藜园。十二点黎到人唔多，四人枱岩岩好。咁耐无黎，叫左几样招牌菜。 生煎包  包底有唔少芝麻，包皮本身几甜，肉馅都好饱满多汁。 银丝卷  外皮几脆，中间几软，甜甜地唔错呀，沾埋炼奶更好食。配豆浆清甜解渴。 红油抄手  肥嘟嘟胀book book非常饱满，菜肉馅的抄手皮薄馅多，充满肉汁。加上甜甜辣辣嘅浓酱汁，仲有些少生蒜同麻酱，花生酱香味好够。不错。 鲜肉小笼包  新鲜出炉热辣辣。皮都算薄，肉馅丰富，肉汁都好多。略嫌水气太重，皮有啲粉粉感觉，一般啦。 上海粗炒  几够镬气，卖相唔错。材料都好够，有齐菜、肉丝、冬菇丝咁。 招牌担担面  手打幼白面线烟韧柔滑，幼身略扁嘅面线正好沾住麻酱汤汁。香葱、花生碎、仲有芝麻酱同少许辣油，一啲麻一啲辣一啲花生嘅香浓汤汁。但明显花生麻酱俾得唔够，香味已经减退，但都算可以啦。云白肉  肉片够薄，加上大量葱蒜、酱油同辣油，呢味真系好送面。 太后豌豆黄  完成正餐，叫左个网上人气热点太后豌豆黄做甜品。豌豆糕唔会太甜，食落几清甜，又啖啖豆味，似绿豆蓉糕。饱到上颈。一餐非常满意嘅四川菜。 真系阔别多年啦，今日一食，重拾番当时好味嘅回忆