影片
更多
2021-02-09
1036 浏览
朋友生日，所以我哋专登揾有乜餐厅好食。大家都钟意食日本嘢🇯🇵，但我最近要尽量戒唔好食咁多鱼生，所以炉端烧会系一个唔错嘅选择！最终，我哋拣选咗位于佐敦同尖沙咀交界嘅「博多·炉端烧」。一入座，我哋已经觉得餐厅环境气氛非常唔错，令人有置身喺日本嘅感觉😍。呢度座位唔多，大致上分为门口嘅吧枱区，以及内里有三张枱。个人认为如果满场的话，吧枱位就可能会有少少迫，但就可以睇住师傅喺你面前烧。餐厅闲日有做午市套餐，不过嚟庆祝生日我哋就预咗食好啲😋。店员就提议我哋食冬季限定嘅两位用博多推介套餐($926)。如果斋睇餐牌，会觉得好似唔系好多嘢食，但其实只系因为佢无逐样食品列哂出嚟！套餐包四款御番菜，即系指日式时令家常小菜，细细碟作为前菜小食，看似简单，但食起上嚟味道唔马虎🤪。博多筑前煮，佢系几款小食中唯一热的。筑前煮用上多种配料，例如牛蒡、冬菇、芋头同莲藕等，当中亦加入咗少少肉。食落似汁煮嘅菜式，味道唔错。茄子扬煮，茄子冰冻，食落几爽口，唔系炆完好淋身𠮶种，面头仲落咗啲木鱼碎。春菊御浸，望落有啲似凉拌菠菜，但呢度所用嘅菜系「春菊」，好似即系茼莴，菜苗幼嫩无渣。博多风味海带蒟蒻条，店员提醒捞匀挂汁先食，因为蒟
朋友生日，所以我哋专登揾有乜餐厅好食。大家都钟意食日本嘢🇯🇵，但我最近要尽量戒唔好食咁多鱼生，所以炉端烧会系一个唔错嘅选择！最终，我哋拣选咗位于佐敦同尖沙咀交界嘅「博多·炉端烧」。
一入座，我哋已经觉得餐厅环境气氛非常唔错，令人有置身喺日本嘅感觉😍。呢度座位唔多，大致上分为门口嘅吧枱区，以及内里有三张枱。个人认为如果满场的话，吧枱位就可能会有少少迫，但就可以睇住师傅喺你面前烧。
餐厅闲日有做午市套餐，不过嚟庆祝生日我哋就预咗食好啲😋。店员就提议我哋食冬季限定嘅两位用博多推介套餐($926)。如果斋睇餐牌，会觉得好似唔系好多嘢食，但其实只系因为佢无逐样食品列哂出嚟！
套餐包四款御番菜，即系指日式时令家常小菜，细细碟作为前菜小食，看似简单，但食起上嚟味道唔马虎🤪。
博多筑前煮
46 浏览
0 赞好
0 留言
茄子扬煮，茄子冰冻，食落几爽口，唔系炆完好淋身𠮶种，面头仲落咗啲木鱼碎。
春菊御浸
14 浏览
0 赞好
0 留言
博多风味海带蒟蒻条，店员提醒捞匀挂汁先食，因为蒟蒻条本身无味。开初我以为系原条海带，但原来系用海带整成蒟蒻条，几有心思。
唐泊烧恵比须蚝，🦪福冈蚝大小适中，蚝应该经轻烧过，蚝壳微暖。蚝身肥美，而且带海水味。
志贺岛砂拔蝾螺，🐚汁煮蝾螺热辣辣，好大只，用竹签拮嚟食，肉质唔韧，但其实肉嘅部份唔多。
博多风鸡颈肉拌蛋黄柚子醋
21 浏览
0 赞好
0 留言
博多鰯鱼明太子，🐟鰯鱼即系沙甸鱼，幼幼嘅鱼身入面竟然酿咗大量明太子，明太子偏辣，令到烧沙甸鱼变得不平凡。沙甸鱼烧得够脆，所以连骨都可以食埋。
野菜方面，餐厅选用上盛食材，第一款系白露笋，白露笋比较难种，所以价钱一般都较高。白露笋味道清淡，所以配以明太子酱食好夹。
日本甜蕃薯以及白粟米，两款本身都好甜。🌽粟米烧完都仲能锁住水份。🍠甜蕃薯果然甜，点少少盐食又唔错啵。
博多飞鱼汤烧饭团茶渍
22 浏览
0 赞好
0 留言
天神布甸
20 浏览
0 赞好
0 留言
星野川布甸，布甸口感又滑又绵，🍵星野川绿茶味道清香唔苦涩。布甸本身唔太甜，反而红荳蓉就甜，所以系几好嘅配搭。
饮品方面，我哋分别要咗冻焙茶同冻绿茶，茶可拣冻热，就算要冻，味道都唔会变淡。
总括嚟讲，小店用心经营，佢绝对系一间重视食物质素嘅炉端烧餐厅👨🏻🍳👍。日本师传全程亲力亲为，对出品要求非常严格；而经理服务亦好好，呢餐生日饭我哋都好满意！餐厅现时无得做晚市确系可惜，因为佢好适合放工小酎一杯，食串串烧放松下。呢度定价唔平，不过套餐多嘢食，亦可以单点。迟啲我一定会再嚟帮衬🤤！
张贴
