影片
更多
2006-07-24
15 浏览
昨夜再次跟女友及女友爸爸三人行食晚饭，女友想带爸爸去食牛扒，心谂自己对上一次嚟呢度帮衬睇怕都有近十年前，有少少怀念呢间老铺嘅气味，于是就嚟一个reunion..一上到去，装修依旧，侍应亦好似无乜换过人，依然一派老牌西餐厅优雅嘅气味，service亦系一流嘅。见到menu入面个set dinner几抵食，有头盘、主菜、甜品及drinks，但又唔想叫三份一样(因有D嘢唔系太啱食)，决定只叫一份，其余就散叫。先嚟两个appetizer --- 西柚汁煎带子及牛仔肝酱。带子水准普通，唔系太够新鲜，亦都无外脆内软嘅口感，食落去好似有D "胶胶地"，感觉好古怪，唔太好；牛肝酱好重牛味，跟鹅肝酱口感相似，但各擅胜场，配合伴碟嘅多士及肝酱冻，相当不俗，女友未试过，觉得几得意，好味；三个主菜，有两碟系steak，都系charcoal grill，不过跟餐𠮶件就只系普通加拿大牛扒，煎至七成熟，肉质当然比较普通；女友爸爸食𠮶件就系正宗美国Sirloin，虽然系well done，但牛味十足，而且仍保留到肉汁，师傅手势算系咁，再加埋配菜嘅炸薯条，焗薯、青豆角及蘑菇，真系饱得八八九九；自己见女友及爸爸都orde
一上到去，装修依旧，侍应亦好似无乜换过人，依然一派老牌西餐厅优雅嘅气味，service亦系一流嘅。
见到menu入面个set dinner几抵食，有头盘、主菜、甜品及drinks，但又唔想叫三份一样(因有D嘢唔系太啱食)，决定只叫一份，其余就散叫。
先嚟两个appetizer --- 西柚汁煎带子及牛仔肝酱。带子水准普通，唔系太够新鲜，亦都无外脆内软嘅口感，食落去好似有D "胶胶地"，感觉好古怪，唔太好；牛肝酱好重牛味，跟鹅肝酱口感相似，但各擅胜场，配合伴碟嘅多士及肝酱冻，相当不俗，女友未试过，觉得几得意，好味；
三个主菜，有两碟系steak，都系charcoal grill，不过跟餐𠮶件就只系普通加拿大牛扒，煎至七成熟，肉质当然比较普通；女友爸爸食𠮶件就系正宗美国Sirloin，虽然系well done，但牛味十足，而且仍保留到肉汁，师傅手势算系咁，再加埋配菜嘅炸薯条，焗薯、青豆角及蘑菇，真系饱得八八九九；
自己见女友及爸爸都order steak，唔想又嚟一件牛，忽然心谂呢度以前有俄罗斯名菜chicken in supreme (Kiev) (即系基辅鸡卷)叫，于是望吓menu，真系有，即刻谂都唔使谂order一客。呢味嘢响香港真系唔系处处有得食(记得上次去Soho食Ivan the Kozak都唔多觉有)。用嘅系鸡脾肉，用牛油炸香，之后再响鸡肉中间放入一个蒜茸牛油汁，再放一D mashed potato响碟底，于是当你一切开件鸡嘅时侯，D汁就汹涌而出，好似山泥倾泻咁。D汁亦会完完全全渗入D薯蓉度...净系听见都流晒口水la，不过就"漏"到爆炸。呢度嘅水准都算OK，鸡肉颇嫩，面头层皮炸得几脆，汁亦够多，薯蓉亦好"牛油"，美中不足系个蒜蓉牛油汁太稀，印象中正宗嘅鸡卷嘅汁应该系杰D嘅..
食得性起，再叫一个Satellite，呢个系一个雪糕甜品--- 将加热嘅Brandy淋响冰冻嘅炸Vanilla雪糕上面，视觉及味觉嘅双重享受。
埋单刚好一千大元，咁嘅环境加食物质素，算系咁lor..
张贴
