影片
更多
2020-11-01
1396 浏览
煲仔饭真系冬天必食之选，但好食嘅煲仔饭真系买少见少，一系就冇饭焦，一系就其实分开煮，最后先将啲𩠌摆上去，其实真系食得出。 仲好怀念细个𠮶阵喺冬天着晒冷衫坐喺登龙街路边食住热辣辣嘅煲仔饭，真系超爽，但之后佢结业搬咗去筲箕湾街市就冇去再食过。今日特登过去试，本着好大嘅期望过去，因为个煲仔饭真系好好食，我谂系因为细个喺街边食𠮶种滋味。最怀念就系佢𠮶个荔茸肉碎煲仔饭，因为真系得佢先有，其他我都未见过，个荔茸软绵绵，捞埋个肉碎，真系超好味。今次去到，当然第一时间系要点呢个煲仔饭，之后加多个鱼香茄子斑腩煲，加多个椒盐鲜鱿，2个人食就啱啱好啦！煲仔饭一想，真系超期待，见到2大个芋泥，对于一个芋头控来讲，真系超兴奋（我朋友都唔系好明XD），一上枱，就先淋上豉油，盖返埋个煲仔盖，再焗多佢一阵，就等食；呢个时候个斑腩煲就到啦！茄子煮得稔，斑腩都够滑，整体都好香好入味，唯一的就是有点咸，如果单食的话就有点吃力，但送饭的话一流，虽然明白鱼香茄子一定会有油，但都真系几油。椒盐鲜鱿个卖相就好靓，个炸粉系硬身个只脆卜卜，唔系酥个个口感，但个鱿鱼真系好硬，咬极都咬唔开，鱿鱼干到真系好干… 食到最后，真心放弃咗，因为真
仲好怀念细个𠮶阵喺冬天着晒冷衫坐喺登龙街路边食住热辣辣嘅煲仔饭，真系超爽，但之后佢结业搬咗去筲箕湾街市就冇去再食过。今日特登过去试，本着好大嘅期望过去，因为个煲仔饭真系好好食，我谂系因为细个喺街边食𠮶种滋味。
最怀念就系佢𠮶个荔茸肉碎煲仔饭，因为真系得佢先有，其他我都未见过，个荔茸软绵绵，捞埋个肉碎，真系超好味。今次去到，当然第一时间系要点呢个煲仔饭，之后加多个鱼香茄子斑腩煲，加多个椒盐鲜鱿，2个人食就啱啱好啦！
煲仔饭一想，真系超期待，见到2大个芋泥，对于一个芋头控来讲，真系超兴奋（我朋友都唔系好明XD），一上枱，就先淋上豉油，盖返埋个煲仔盖，再焗多佢一阵，就等食；呢个时候个斑腩煲就到啦！
茄子煮得稔，斑腩都够滑，整体都好香好入味，唯一的就是有点咸，如果单食的话就有点吃力，但送饭的话一流，虽然明白鱼香茄子一定会有油，但都真系几油。
椒盐鲜鱿个卖相就好靓，个炸粉系硬身个只脆卜卜，唔系酥个个口感，但个鱿鱼真系好硬，咬极都咬唔开，鱿鱼干到真系好干… 食到最后，真心放弃咗，因为真系咬极都咬唔开….
讲到主角嘅煲仔饭，一打开煲盖，真系超期待，用匙羹勺起，饭粒粒分明，仲有饭焦，个芋泥软绵绵，同埋肉碎，加上豉油，捞埋一齐食真系一啲违和咁都冇，超好食，好有层次，有芋泥软绵甜甜嘅感觉、肉碎一粒粒同饭加起来，豉油咸咸的感觉真系一绝，同以前嘅感觉真系一样，呢个真系买少见少！支持支持！
🍽️ 绍华小厨
📍地址：筲箕湾爱秩序湾道15号爱秩序湾街市暨综合服务大楼CF3号舖
——————————
[港女师奶指数] （满分为5分）
抵食指数：🌟🌟🌟🌟
Encore 指数：🌟🌟🌟🌟🌟
张贴
