影片
更多
2021-10-08
506 浏览
读书时期成日会上爱民碌龄，但执左之后都无再黎过lu，今日咁岩有啲事上开去就顺手行下同食饭本身想去以前饭堂既天马原来都执左..商场入面既都系连锁店唔想食，行去冬菇亭果边，原来都翻新晒，估唔到何文田变左咁多，最后拣左呢间点心店落单后见到免茶以为系咪见我单拖咁惨所以唔洗我比茶钱咁好，之后见到有张纸仔写住下午茶免茶小笼包都几大粒，入面有唔少汤汁，几好味不过要趁热食，食第二粒果阵吹冻左啲皮变返硬（顺带一提冷气超级冻见隔离台婆婆都缩缩下，最后叫店员帮我地较高返个温度就正常返）红枣糕好食个人钟意食啲烟韧野，而且呢个糕又唔会太甜。但呢个就同小笼包相反，太热食淋左啲，觉得摆多左阵吹冻啲先食就够烟韧啦（夜晚比屋企人试，佢就唱反调话觉得可以甜返啲）鸡扎，次次食鸡扎都谂起细个会同家姐争火腿食，其他塞晒比呀爸食大个左就变左最钟意佢入面旧芋头同鸡，呢度芋头够粉，鸡都ok，同胜在大份平时都间唔中会自己食饭，不过饮茶就真系第一次，样样都想试但得一丁友，叫三样但最后都系眼阔头窄食唔晒要包走比钱时见到佢原来有小菜menu，不过太远啦，龄场又无埋，下次有机会再上开黎先试下啦～
本身想去以前饭堂既天马原来都执左..商场入面既都系连锁店唔想食，行去冬菇亭果边，原来都翻新晒，估唔到何文田变左咁多，最后拣左呢间点心店
落单后见到免茶以为系咪见我单拖咁惨所以唔洗我比茶钱咁好，之后见到有张纸仔写住下午茶免茶
小笼包都几大粒，入面有唔少汤汁，几好味不过要趁热食，食第二粒果阵吹冻左啲皮变返硬（顺带一提冷气超级冻见隔离台婆婆都缩缩下，最后叫店员帮我地较高返个温度就正常返）
红枣糕好食个人钟意食啲烟韧野，而且呢个糕又唔会太甜。但呢个就同小笼包相反，太热食淋左啲，觉得摆多左阵吹冻啲先食就够烟韧啦（夜晚比屋企人试，佢就唱反调话觉得可以甜返啲）
鸡扎，次次食鸡扎都谂起细个会同家姐争火腿食，其他塞晒比呀爸食大个左就变左最钟意佢入面旧芋头同鸡，呢度芋头够粉，鸡都ok，同胜在大份
平时都间唔中会自己食饭，不过饮茶就真系第一次，样样都想试但得一丁友，叫三样但最后都系眼阔头窄食唔晒要包走
比钱时见到佢原来有小菜menu，不过太远啦，龄场又无埋，下次有机会再上开黎先试下啦～
张贴
