圓山台灣料理 (已結業)

为老友庆生，一行5个中女去咗呢间超过20年冇去过嘅台湾老店。以前同第一个男朋友去铜锣湾𠮶间已经执咗笠好耐，估唔到尖沙咀呢间经过疫情后仍然屹立不倒。先点了两个前菜皮蛋肉松豆腐及圆山拼盆：皮蛋流心，肉松酥香，豆腐好滑，唔错；拼盆有生肠、鸭舌、盐水鸭及手工蛋卷，冇谂过四样食物都好有水准，尤其是鸭舌，比起台湾老X禄好吃好多，生肠冇谂过咁滑，盐水鸭个皮好薄肉身又好爽，蛋卷好特别，应该用咸蛋黄整所以好香口，令我有点去左台湾嘅感觉，一个字，正！到主菜，有2个朋友从不吃鱼，但难敌超笋价钱嘅关系，叫左两个「有鱼有鸡」孖宝：1）蒜片炸黄花鱼拼口水鸡 及 2）酸菜水煮鱼拼宫宝鸡。原本谂住果两位厌鱼朋友冇啖好食，点知佢地都食都停唔到口，一路食一路话系黄花炸得香脆可口，连个汁都大讃巧巧味（唔好意思太心急食剩鱼骨先影相🤣），口水鸡既香且麻，无懈可击；酸菜鱼相比炸黄花比较失色，虽然鱼好滑，但酸菜汤不太入味，可能煮得唔够浓，宫宝鸡不过不失。最后叫了一桶即整豆腐花，哗！不得了，真系好滑，又香豆味，5人一桶刚刚好。整体来说今餐令我们很满意，最重要系，价钱大众化，食物水准高，不过有少少咸，可能台湾嘢系偏浓味，另外地方亦濶落