影片
更多
2018-06-07
182 浏览
记得年几前黎食过pizza留下美好印象，今晚系附近行完街又过黎回味下。 由太古小学沿住英皇道行，几分钟就黎到隐身于商业大厦既餐厅。好少见dinner set只有两款牛、一款猪既选项，原来另有五款主菜可以任意加$48升级为包含餐汤、甜品同餐饮既套餐。 系饥肠辘辘既情况下，红肉为主既餐牌特别岩心水，最后拣左两款肉食饱d。先黎两碗罗宋汤，热辣辣又足料。 餐包预先焗热至外脆内软，可惜饮哂汤先送上黎，亦冇附上牛油，令味道打左折扣。安格斯西冷 (Dry-aged) 牛扒伴红酒牛肉汁 ($326) dinner set第一次食Dry-aged牛扒，比起软腍、有血水既普通medium牛扒，熟成后完整地锁住肉汁，保持嫩红得黎冇渗出多余水份，肉质亦明显较扎实。 西冷牛扒轻轻洒上幼盐后煎至微脆，牛味甘香浓郁，唔洗点酱味道都好丰富。唔起眼既薯菜亦令我眼前一亮。 形态奇妙地有少少似无花果，入口先发现系外皮烟韧、内里幼滑既焗薯，裹上牛油果酱非常香口惹味，完全系争住食。 牛扒下埋藏左以蕃茄酱煮成既栉瓜同彩椒，清新爽甜。椰香辣酱烧春鸡 ($168+$48) 转套餐店员强调需时三十分钟，最后同牛扒一齐上菜，又唔系想像中
好少见dinner set只有两款牛、一款猪既选项，原来另有五款主菜可以任意加$48升级为包含餐汤、甜品同餐饮既套餐。 系饥肠辘辘既情况下，红肉为主既餐牌特别岩心水，最后拣左两款肉食饱d。
先黎两碗罗宋汤，热辣辣又足料。 餐包预先焗热至外脆内软，可惜饮哂汤先送上黎，亦冇附上牛油，令味道打左折扣。
安格斯西冷 (Dry-aged) 牛扒伴红酒牛肉汁 ($326) dinner set第一次食Dry-aged牛扒，比起软腍、有血水既普通medium牛扒，熟成后完整地锁住肉汁，保持嫩红得黎冇渗出多余水份，肉质亦明显较扎实。 西冷牛扒轻轻洒上幼盐后煎至微脆，牛味甘香浓郁，唔洗点酱味道都好丰富。
唔起眼既薯菜亦令我眼前一亮。 形态奇妙地有少少似无花果，入口先发现系外皮烟韧、内里幼滑既焗薯，裹上牛油果酱非常香口惹味，完全系争住食。 牛扒下埋藏左以蕃茄酱煮成既栉瓜同彩椒，清新爽甜。
椰香辣酱烧春鸡 ($168+$48) 转套餐店员强调需时三十分钟，最后同牛扒一齐上菜，又唔系想像中等咁耐㖞。
第一眼以为份量缩水至得返半只，原来厨房已经将鸡一分为二，方便客人进食，只系叠起左姐。
一手撕开鸡脾，肉汁就倾盆而出，沿住鸡肋流出黎。 鸡皮带焦香，嫩滑既鸡肉充满香草味，可惜椰香辣酱唔太入味，令落单时所想、重口偏泰式风味既期望落空。
值得一赞既系king size既春鸡啖啖肉，火候控制得唔错，厚肉得黎做到仅仅熟，以此质索黎讲收费合理。 伴碟既粗薯条即叫即炸，食到底依然够热又干爽，用手食都唔会沾上任何油份。
简简单单叫杯冻柠茶饮下，第一次见用啤酒杯大大杯咁上，茶底完全冇加糖够健康，饮住黎吹水有点chill。
最后既朱古力慕丝蛋糕虽然颜色唔深、亦冇加朱古力片，但食落极度香浓顺滑，为今晚画下完满句号。
张贴
