影片
更多
2019-09-11
87 浏览
同朋友去铜锣湾食泰国野，之前我地都已经黎过呢到食过，意犹未尽，于是今次一于重回旧地食lunch，我地坐左系窗边可以饱览楼下景色，忙里偷闲。我地叫左个二人餐，包括1汤4𩠌，包埋白饭，食完之后好饱非常之满足，我仲叫左一杯芒果沙冰，大大杯好解暑饮落去有香甜芒果味，沙冰入口即溶，味道好自然。黎到食泰国野就一定要饮冬阴公汤，唔好睇少佢以为分量好少，两个人饮都有两碗多，而且相当足料，有大虾、蕃茄仔、菇等等，微酸中带点辣味，但又唔会好辣，好开胃。腌无骨凤爪冰冰凉凉，消暑一流，味道酸酸地，腌得好入味，凤爪爽口弹牙，一早已经去左骨，岩哂我呢啲唔钟意啃骨嘅懒人，话咁快就清碟喇~海南鸡有成半只，好足料鸡肉好嫩滑而且骨细，啖啖肉，配上秘制辣汁，更加好味，送饭一流。飞天炒通菜众所皆知，系一道驰名嘅泰式小菜，镬气十足，加入蒜蓉、指天椒同豆瓣酱去炒通菜，辣辣地，味道丰富，通菜好爽口有口感，非常好食。最后我地仲点左烧泰式猪颈肉，好大份，猪颈肉烤得外皮金黄色，入口带有香烤味，好易咬配上酸辣汁，惹味又开胃。估唔到过左咁耐再番黎食，水准依然keep住咁好，如果我突然想食泰菜可能第一时间谂起「泰式食」
我地叫左个二人餐，包括1汤4𩠌，包埋白饭，食完之后好饱非常之满足，我仲叫左一杯芒果沙冰，大大杯好解暑
饮落去有香甜芒果味，沙冰入口即溶，味道好自然。
黎到食泰国野就一定要饮冬阴公汤，唔好睇少佢以为分量好少，两个人饮都有两碗多，而且相当足料，有大虾、蕃茄仔、菇等等，微酸中带点辣味，但又唔会好辣，好开胃。
腌无骨凤爪冰冰凉凉，消暑一流，味道酸酸地，腌得好入味，凤爪爽口弹牙，一早已经去左骨，岩哂我呢啲唔钟意啃骨嘅懒人，话咁快就清碟喇~
海南鸡有成半只，好足料
鸡肉好嫩滑而且骨细，啖啖肉，配上秘制辣汁，更加好味，送饭一流。
飞天炒通菜众所皆知，系一道驰名嘅泰式小菜，镬气十足，加入蒜蓉、指天椒同豆瓣酱去炒通菜，辣辣地，味道丰富，通菜好爽口有口感，非常好食。
最后我地仲点左烧泰式猪颈肉，好大份，猪颈肉烤得外皮金黄色，入口带有香烤味，好易咬
配上酸辣汁，惹味又开胃。
估唔到过左咁耐再番黎食，水准依然keep住咁好，如果我突然想食泰菜可能第一时间谂起「泰式食」
张贴
