小平津 (已結業)

老公要加班，衬住空档时间都要同佢食晚饭倾下计，唔知去边度食好，老公话不如去返拍拖前食过嘅餐厅回忆下。小平津，原来我哋刚认识未开始拍拖𠮶阵去过一次，依家以夫妻身份再去，感觉特别，最惊喜系我觉得服务同食物质素都比几年前好。芥末八爪鱼，芥末可以再多少少，见议点军舰会比较好，就甘食麻麻地。牛油果沙律，好新鲜，加埋啲青瓜丝好爽口鲜甜。软壳蟹寿司，系呀之前都有食过，真系好食，所以忍唔住要叫半份食多次。大大件，软壳蟹炸得香脆，大大啖好满足。自家制烧鸡肉丸，又系必点之选，肉质鲜嫩多汁，小心爆汁滴到周围都系。海胆炒饭，炒得好香口，加上青瓜丝减低左油腻感，唔好以为份量少唔够食，其实份量多，食到好饱。最后有甜品呀，士多啤梨雪糕，甜甜蜜蜜，下次等小b开始食大人嘢可以带埋佢嚟，再次重游小平津。