鍾菜 (已搬遷) 新店位置

呢几个月，真系嚟咗呢间好多次。今日细佬学成归来，爸爸妈妈决定再去一次，带细佬试吓呢间钟菜。今晚试咗佢嘅四人套餐：1. 钟家小碟子 (拍蒜青瓜+爽口海蜇) - 青瓜嘅汁较得太酸，海蜇欠缺麻油味。2. 丰祝炖靓汤 - 仍然系咁足料，唔似落咗味精，但味道好浓。3. 廿八头干鲍扣花胶 - 鲍鱼真系好好味，口感一流，冇其他可以代替，花胶就因为今次有鲍鱼汁去扣，所以味道升华了不少。4. 碧绿辽参带子 - 用脆肉瓜、什菇炒带子，几够镬气。5. 古法蒸龙趸球 - 我谂油泡会好食啲，蒸始终用细条啲嘅鱼会好食啲，所以呢道菜味道一般。6. 瑶柱鲜菌泡菜苗 - 好普通，好清。7. 石榴脆香鸡 - 石榴同苹果令到个鸡会减低肥腻感，配合得几好，同之前水准一样，果然系攞奖菜式。8. 脆肉红米炒饭 - 啲猪肉粒好硬，个饭混合红米，好健康，但系唔系几啱出街食饭之用，始终出到街，味道先至系首选。9. 杏仁茶+杨枝金露 - 甜品都不过不失，绝不马虎。Comments : 家常便饭、以至饮宴菜式都系有番咁上下水准，值得继续帮衬。