吉豚屋吉列豬扒專門店 (已結業)

放工去九龙湾行街， 行到攰就去淘大揾野食！ 见天气有d冻，2个人打边炉又唔可以叫太多野食，所以简左间有打边炉嘅日式餐厅。豚肉寿喜烧锅定食一见到俾佢既豚肉山吓亲，不过拆开入面只系芽菜，果然系图片只供参考又一例子，但寿喜烧既味道其实唔错，豚肉捞埋日本生鸡蛋一齐食，令人想起港式打边炉既食法。吉烈猪柳泡菜锅定食泡菜汤＋乌冬可以话系冇得输既组合，建议将吉烈猪扒点埋泡菜汤一齐食，别有一番风味。猪扒煎炸得好香脆，d肉又好嫩滑。食到最后会有d辣。好在有生菜沙律，可以解下辣。