品味人生中國廚房 (已結業)

一早知道呢度二人餐既份量多，所以三个人只叫一个二人套餐就够。螺头汤和花旗参鸡汤、萝白、铁板鸭胸、锦卤云吞、中华沙律手卷、笼仔蒸三鲜菇、糯米饭同埋甜品，种类真系好多。饮了少许花旗参鸡汤，好淡，似饮水，鸡肉也是没味的；萝白唔得鲜甜，同车品品比简直是天与地；铁板鸭胸算是合格，鸭胸不太韧，京葱香口；锦卤云吞外皮就脆，不过馅料甚少；中华沙律手卷，反而是脆皮筒比内容好；糯米饭，温度唔够，材料也不足；笼仔蒸三鲜菇是最好，用蒜泥蒸起好香，冬菇淋，脾菇爽，送饭唔错。甜品要桂花红豆糕和香橙果冻，卖相可以，不过味道还是差少少，食啫哩好过。可能太多人等位，侍应个个好急咁，野都未来整就话同我地埋左张单先，咁样食野我就唔系咁钟意。