稻香超級漁港 (朗屏商場)

营业中

休息中

近日稻香launch咗唔少特价优惠，当中以下午茶平最多，好多点心都割引割引再割引，价钱上的确跑赢咗元朗唔少酒楼。虽然价钱系就系平咗，但系对于食品既质素，就要有定心理准备，付出十分耕耘都未必有一分收获，何况只系俾出一分钱，又岂会得到七分货？首先要讲既就系我到各大小酒楼都必点既菜苗饺，食落去无法俾出任何反应，只能讲出一个长十米阔十米既「吓」字，因为菜苗饺竟然加姜系入面，真系千奇百趣，oh oh oh oh my O 唇。跟住就系价值八个八银钱既叉烧米线，一如所料，叉烧系啲冇人要既地带，例如肥位或者边皮㶶晒既位，实属增肥良品，减磅人士切勿以身试线。酥皮焗餐包，冇咩特别，唔系难食但又唔算太好食，因为同出面其他地方相差唔大。煎花枝饼，味道系唔错，但系有太多「沙角乙明」，有太多沙葛同马蹄，口感上显得格格不入。最后就系烧卖，点到呢个烧卖彷佛系淘宝买野买到正货一样，十蚊烧卖有大大粒虾，强力推介俾一众兄弟！最后好简单概括一句，当食点心放题重量不重质，呢度可以满足到大家，但如果真系想食啲靓啲既点心，都系出邨吧啦。