十三少酸菜魚 (已結業)

听到朋友话想食酸菜鱼，咁岩知道大角咀新开咗一间专食酸菜鱼既餐厅，所以就决定约岩几个朋友一齐去食。一开始谂住酸菜鱼通常都好大盘，所以多啲人去先会叫到，但餐厅有分2个size，有普通版同埋重量级。普通版岩2个人食，而重量级就可以4个人食。我地叫咗一个重量级既酸菜鱼，见到佢拎嚟既时候，真系吓咗一跳，因为无谂过咁大盘，但4个人又真系会食得晒。入面除咗有鱼、酸菜，仲有青瓜片同埋鸡髀茹等。佢有得拣辣同吾辣，咁我地就拣咗辣，佢既辣度都吾会好辣，属于小辣，因为无得拣辣既程度，所以要自己衡量食吾食到先叫。啲鱼好滑，真系吾错。我地仲叫咗口水鸡同埋一个白饭，拎嚟捞口水鸡。口水鸡既酱汁好惹味，所以好开胃，依个都有一啲辣度。啲鸡肉都几滑，而且鸡既吾同部分都有。最后，我地仲叫咗个凉拌土豆丝，虽然味道同我想像中有啲吾同，但依个煮法无咁油，同埋系吾辣既，岩晒我其中一个吾系好食得辣既朋友。