爆丼屋 (山東街)

营业中

休息中

爆丼屋之前未搬已经去食过，近排知道佢搬咗新舖， 当然就要去支持下。 其实话就话搬咗，都只系搬后咗一条街，所以都十分方便， 地铁站行过去都唔需要五分钟。 新铺唔单止宽敞咗， 铺头装修亦都有时尚气息，而且十分安全地加设咗好多大屏风隔住一张张枱。四重火山盛丼， 主要有拖罗蓉，蟹籽， 蟹肉同海胆。 虽然系拖罗蓉但系都好新鲜， 最欣赏系佢嘅海胆一啲都唔腥十分好食。 蟹肉方面都好多， 成个当饭十分丰富。三重大极上丼， 主要有拖罗片，海胆同蟹肉。 呢个因为系大大片嘅原片拖罗，所以价钱亦都相对贵啲，拖罗系中拖罗质素 ，油份多 ，新鲜油甘味重， 入口即溶， 最重要系一个丼饭有差不多十片， 真系好抵食， 另外当饭上面嘅海胆亦都十分新鲜， 份量亦都唔少， 绝对值得推介。朱古力鱼缸沙冰， 呢个鱼缸沙冰顾名思意就系沙冰用鱼缸咁大嘅玻璃杯装住， 成个杯份量基本上系2~3人份量,如果叫一个都可以唔使再叫其他饮品,  朱古力沙冰里面除左右 cream之外仲有朱古力粒同朱古力酱 ，十分丰富。苹果汤力， 有啲似苹果梳打水， 味道唔错。整体嚟讲餐厅性价比十分高。